Prathivaram
അകക്കാമ്പ്
തലയ്ക്കു മുകളില് ഘടികാര സൂചി
താളം ചവിട്ടുന്നുണ്ട്!
വിപ്ലവവും വീരകഥകളും
വെറും ചുവരെഴുത്തില് ഒതുങ്ങി
ചതിയും കൊതിയും തേടി മാംസത്തെ
കുരുതി കൊടുത്തവരുണ്ടിവിടെ
നിശ്ശബ്ദമായ വായനാമുറിയിന്ന്
നിര്വികാരതയുടെ ക്യാന്വാസ്
ഞാന് കണ്ട ഓരോ പ്രണയവും
ക്യാമ്പസിലെ പൊട്ടക്കിണറ്റില്
ജീവനറ്റ് അവതരിക്കുമ്പോള്
വസന്തം വാടകക്കെടുക്കാന്
എ ടി എമ്മില് നിന്ന് കാശെടുത്തിട്ടുണ്ട്
ശിഥില യാഥാര്ഥ്യങ്ങളെ
കടിച്ചിറക്കാനും ചവച്ചരക്കാനും
കോടതി അവര്ക്ക് ധൈര്യം നല്കും
വിടരും മുമ്പേ നിങ്ങള് കരിച്ചും
ഞെരിച്ചും കളഞ്ഞ പുഷ്പങ്ങളെയോര്ത്ത്
ഇനിയും വാടരുത് പരിഭവിക്കുകയുമരുത്
സത്യത്തിന്റെയും കള്ളത്തിന്റെയും
നടുവിലുള്ള ഈ ചതുരംഗക്കളി എന്നവസാനിക്കും?
---- facebook comment plugin here -----