പുഷ് ബട്ടണോടുകൂടിയ ഇന്ററാക്ടീവ് ക്രഡിറ്റ് കാര്‍ഡുമായി ഇന്‍ഡസ്ഇന്‍ഡ് ബാങ്ക്

Posted on: December 25, 2018 8:17 pm | Last updated: December 25, 2018 at 8:17 pm
SHARE

ന്യൂഡല്‍ഹി: ഇന്ത്യയിലെ ആദ്യത്തെ ഇന്ററാക്ടീവ് ക്രഡിറ്റ് കാര്‍ഡുമായി പുതുതലമുറ ബാങ്കായ ഇന്‍ഡസ്ഇന്‍ഡ് ബാങ്ക്. നെക്സ്റ്റ് (Nexxt) ക്രഡിറ്റ് കാര്‍ഡ് എന്ന് പേരിട്ട് ഈ കാര്‍ഡ് ഉപയോഗിച്ച് എളുപ്പത്തില്‍ പര്‍ച്ചേസ് നടത്താനാകും. സാധാരണ ക്രഡിറ്റ് കാര്‍ഡുകളില്‍ നിന്ന് വിഭിന്നമായി ഈ കാര്‍ഡില്‍ മൂന്ന് പുഷ് ബട്ടണുകള്‍ സംവിധാനിച്ചിട്ടുണ്ട്. ഇഎംഐ, റിവാര്‍ഡ്, സാധാരണ ക്രഡിറ്റ് എന്നിങ്ങനെ മൂന്ന് ഓപ്ഷനുകള്‍ പര്‍ച്ചേസ് ചെയ്യുന്ന സമയത്ത് തന്നെ ഉപഭോക്താവിന് തിരഞ്ഞെടുക്കാം.

ഇഎംഐ ഉപയോഗിച്ചാണ് ഒരു ഉത്പന്നം വാങ്ങാന്‍ ഉദ്ദേശിക്കുന്നതെങ്കില്‍ കാര്‍ഡിലെ ഇഎംഐ എന്ന ബട്ടണില്‍ ക്ലിക്ക് ചെയ്യുക. അപ്പോള്‍ ഇഎംഐ കാലാവധി തിരഞ്ഞെടുക്കാനായി ഇടതുവശത്ത് എല്‍ഇഡി ലൈറ്റ് തെളിയും. ബട്ടണ്‍ വീണ്ടും അമര്‍ത്തി അനുയോജ്യമായ കാലാവധിക്ക് നേരെയുള്ള ലൈറ്റ് തെളിയുമ്പോള്‍ കാര്‍ഡ് റീഡറില്‍ ഇന്‍സേര്‍ട്ട് ചെയ്യുക. ഇതോടെ പര്‍ച്ചേസ് അപ്പോള്‍ തന്നെ ഇഎംഐ ആയി മാറ്റപ്പെടും. പര്‍ച്ചേസ് നടത്തിയ ശേഷം ഇഎംഐ ആക്കുന്ന ബുദ്ധിമുട്ട് ഇല്ല എന്ന് സാരം.

റിവാര്‍ഡ് ആണ് രണ്ടാമത്തെ ബട്ടണ്‍. കാര്‍ഡ് ഉപയോഗിച്ച് 150 രൂപക്ക് പര്‍ച്ചേസ് ചെയ്യുമ്പോള്‍ ഒരു റിവാര്‍ഡ് പോയിന്റ് ലഭിക്കും. ഇങ്ങനെ കൂടുതല്‍ റിവാര്‍ഡ് പോയിന്റുകള്‍ ആകുമ്പോള്‍ അതില്‍ നിന്നും നേരിട്ട് ഉത്പന്നം വാങ്ങാന്‍ സഹായിക്കുന്നതാണ് ഈ ബട്ടണ്‍. റിവാര്‍ഡ് ബട്ടണ്‍ അമര്‍ത്തിയ ശേഷം ക്രഡിറ്റ് കാര്‍ഡ് സൈ്വപ് ചെയ്താല്‍ റിവാര്‍ഡ് പോയിന്റില്‍ നിന്നാകും പണം ഡബിറ്റ് ചെയ്യപ്പെടുക.

സാധാരണ രീതിയിലുള്ള ക്രഡിറ്റ് കാര്‍ഡ് ട്രാന്‍സാക്ഷന് വേണ്ടിയുള്ളതാണ് മൂന്നാമത്തെ ബട്ടണ്‍. ഇതില്‍ അമര്‍ത്തിയ ശേഷം കാര്‍ഡ് ഉപയോഗിച്ചാല്‍ സാധാരണ ക്രഡിറ്റ് പര്‍ച്ചേസ് ആയി പരിഗണിക്കപ്പെടും.

LEAVE A REPLY

Please enter your comment!
Please enter your name here