Kasargod
നീലേശ്വരം കരുവാച്ചേരിയിൽ ബസുകള്‍ കൂട്ടിയിടിച്ച്‌ നിരവധി പേർക്ക് പരുക്ക്
നീലേശ്വരം: പ്രൈവറ്റ് ബസിന് പിറകില്‍ കെഎസ്ആര്‍ടിസി ബസ്സിടിച്ച് വിദ്യാര്‍ഥികള്‍ ഉള്‍പ്പെടെ മുപ്പതോളം പേര്‍ക്ക് പരുക്കേറ്റു. കുട്ടമത്ത് ഹയര്‍സെക്കന്‍ഡറി സ്‌ക്കൂളില്‍ നടക്കുന്ന ജില്ലാ സ്‌കൂള്‍ കലോത്സവത്തില്‍ പങ്കെടുത്ത് തിരിച്ച് വരികയായിരുന്ന ചട്ടഞ്ചാല്‍ ഹയര്‍സെക്കന്‍ഡറി സ്‌കൂള്‍, കാഞ്ഞങ്ങാട് ദുര്‍ഗ ഹയര്‍സെക്കന്‍ഡറി സ്‌കൂള്‍ എന്നിവിടങ്ങളിലെ കുട്ടികളും രക്ഷിതാക്കളുമാണ് പരുക്കേറ്റവരിലേറെയും.
വൈകിട്ട് 7 മണിയോടു കൂടി കരുവാച്ചേരി റേഷന്‍കടയ്ക്ക് സമീപത്ത് ദേശീയ പാതയിലായിരുന്നു അപകടം. പരുക്കേറ്റവരെ നീലേശ്വരം പോലീസും ഹൈവേ പോലീസും നാട്ടുകാരും ചേര്‍ന്ന് ആംബുലന്‍സിന്റെ സഹായത്തോടു കൂടി നീലേശ്വരം തേജസ്വിനി സഹകരണ ആശുപത്രിയില്‍ എത്തിച്ചു. അപകടവിവരമറിഞ്ഞ് എം.രാജഗോപാലന്‍ എം.എല്‍.എ, നീലേശ്വരം നഗരസഭാ ചെയര്‍മാന്‍ പ്രൊഫ: കെ.പി. ജയരാജന്‍, കാഞ്ഞങ്ങാട് നഗരസഭാ ചെയര്‍മാന്‍ വി.വി.രമേശന്‍, കൗണ്‍സിലര്‍ പി.കെ.രതീഷ്, നീലേശ്വരം സി.ഐ.പി.നാരായണന്‍, എസ്.ഐ. ശ്രീദാസ്, അഡീഷണല്‍ എസ്.ഐ.രാജശേഖരന്‍ എന്നിവര്‍ ആശുപത്രിയില്‍ എത്തിയിരുന്നു.
Latest
അനശ്ചിതകാല ബസ് സമരം; ബസ് ഉടമകളെ ചര്ച്ചക്ക് ക്ഷണിച്ച് ഗതാഗത മന്ത്രി
വായ്പയെടുത്ത് അറിയാതെ സ്ഥലം വാങ്ങി; ജപ്തി നേരിടുന്ന പ്രഹ്ളാദന്റെ കുടുംബത്തെ ഒഴിപ്പിക്കില്ലെന്ന് ജില്ലാ കലക്ടര്
ഹിജ്റ എക്സ്പെഡിഷന് 19ന് മഅ്ദിന് അക്കാദമിയില്
കഞ്ചാവുമായി പിടിയില്
സ്‌കൂള്‍ ബസ് റോഡരികിലെ ചളിയില് താഴ്ന്നു; വെള്ളക്കെട്ടിലേക്ക് മറിയാത്തതിനാല് ദുരന്തമൊഴിവായി
ശൈഖ് ഹബീബ് ഉമറും കേരളവും
