തനിക്കെതിരെ ലൈംഗിക പീഡനക്കേസെടുത്തത് ശബരിമല വിഷയത്തില്‍ ശ്രദ്ധ തിരിക്കാന്‍: ഉമ്മന്‍ചാണ്ടി

കോട്ടയം: ശബരിമല വിഷയത്തില്‍ ശ്രദ്ധ തിരിക്കാനാണ് സരിത എസ് നായരുടെ ലൈംഗിക പീഡന പരാതിയില്‍ തനിക്കെതിരെ കേസെടുത്തതെന്ന് മുന്‍ മുഖ്യമന്ത്രി ഉമ്മന്‍ ചാണ്ടി. രാഷ്ട്രീയപ്രേരിതമായി എടുത്ത കേസിനെ നിയമപരമായി തന്നെ നേരിടുമെന്നും അദ്ദേഹം പറഞ്ഞു.

വിഷയവുമായി ബന്ധപ്പെട്ട് തിരുവനന്തപുരത്ത് തിങ്കളാഴ്ച വിശദമായ പ്രതികരണം നടത്തുമെന്നും ഉമ്മന്‍ ചാണ്ടി പറഞ്ഞു. ഉമ്മന്‍ ചാണ്ടിയും വേണുഗോപാലും തന്നെ ലൈംഗികമായി പീഡിപ്പിച്ചുവെന്ന സരിതയുടെ പരാതിയില്‍ ക്രൈംബ്രാഞ്ച് ഇരുവര്‍ക്കുമെതിരെ കേസെടുത്തിരിക്കുകയാണ്.