Eranakulam
സഭയുടെ സ്വത്ത് പൊതുസ്വത്തല്ലെന്ന് കര്ദിനാള് ജോര്ജ് ആലഞ്ചേരി
കൊച്ചി: സഭയുടെ സ്വത്ത് പൊതുസ്വത്തല്ലെന്ന് കര്ദിനാള് ജോര്ജ് ആലഞ്ചേരി.
എറണാകുളം അങ്കമാലി അതിരൂപതയുടെ വിവാദ ഭൂമിയിടപാട് സംബന്ധിച്ച അന്വേഷണം പോലീസിന് വിടണമെന്നാവശ്യപ്പെട്ട് സമര്പ്പിച്ച ഹര്ജിയിലാണ് കര്ദിനാള് ഹൈക്കോടതിയില് നിലപാട് വ്യക്തമാക്കിയത്.
സഭ ട്രസ്റ്റല്ല. ഭൂമിയിടപാടില് നഷ്ടമുണ്ടായാലും മൂന്നാമത് ഒരാള്ക്ക് ഇടപെടാന് അവകാശമില്ലെന്നും കര്ദിനാള് സത്യവാങ്മൂലത്തില് വ്യക്തമാക്കിയിട്ടുണ്ട്.
അതിനിടെ, ഭൂമിയിടപാടില് കേസെടുക്കണം എന്ന ഹര്ജിയില് ഹൈക്കോടതി സര്ക്കാരിനോട് വിശദീകരണം തേടി.
വിവാദ ഭൂമിയിടപാട് സംബന്ധിച്ച അന്വേഷണം പോലീസിന് വിടണമെന്ന് ആവശ്യപ്പെട്ട് പെരുമ്പാവൂര് പുല്ലുവഴി സ്വദേശി ജോഷി വര്ഗീസാണ് കോടതിയെ സമീപിച്ചത്.
ഭൂമിയിടപാട് പോലീസ് അന്വേഷിച്ച് അഴിമതിയുണ്ടെങ്കില് കണ്ടെത്തി കുറ്റക്കാര്ക്കെതിരേ നടപടിയെടുക്കണമെന്നാണ് ഹര്ജിയിലെ ആവശ്യം.
ഇതേത്തുടര്ന്ന് മേജര് ആര്ച്ച് ബിഷപ്പ് കര്ദിനാള് മാര് ജോര്ജ് ആലഞ്ചേരി ഉള്പ്പടെ എതിര് കക്ഷികള്ക്ക് നോട്ടീസ് അയച്ചിരുന്നു.