National
സ്വകാര്യത പരമമായ അവകാശമല്ലെന്ന് സുപ്രീം കോടതി; വാദം തുടരുന്നു
ന്യൂഡല്‍ഹി: പൗരന്റെ സ്വകാര്യത പരമമായ അവകാശമല്ലെന്ന് സുപ്രീം കോടതി നിരീക്ഷണം. മൗലികാവകാശമായി ഇതിനെ കണക്കാക്കാന്‍ സാധിക്കില്ലെന്നും സുപ്രീം കോടതിയുടെ ഒന്‍പതംഗ ഭരണഘടനാ ബഞ്ച് നിരീക്ഷിച്ചു. ആധാറുമായി ബന്ധപ്പെട്ട് സ്വകാര്യത മൗലികാവകാശമാണോ എന്ന സുപ്രധാന വിഷയത്തില്‍ വാദം കേള്‍ക്കവെയാണ് സുപ്രീം കോടതി ഭരണഘടനാ ബഞ്ച് ഈ നിരീക്ഷണം നടത്തിയത്. ചീഫ് ജസ്റ്റിസ് ജെ എസ് ഖഹാര്‍ അധ്യക്ഷനായ ബഞ്ചാണ് വിഷയത്തില്‍ വാദം കേള്‍ക്കുന്നത്.
അതേസമയം സ്വകാര്യത സര്‍ക്കാറിന്റെ ഔദാര്യമല്ലെന്നും ഭരണഘടന ഉറപ്പുനല്‍കുന്ന അവകാശമാണെന്നും ഹര്‍ജിക്കാര്‍ക്ക് വേണ്ടി ഹാജരായ മുതിര്‍ന്ന അഭിഭാഷകന്‍ ഗോപാല്‍ സുബ്രഹ്മണ്യം വാദിച്ചു. സ്വകാര്യത മറ്റു ഭരണഘടനാ അവകാശങ്ങളുടെ നിഴലില്‍ നില്‍കേണ്ട കാര്യമില്ലെന്നും അദ്ദേഹം ബോധിപ്പിച്ചു.
കേസില്‍ സുപ്രീകോടതിയില്‍ നാളെയും വാദം തുടരും. ഹര്‍ജിക്കാരുടെ വാദമാണ് കോടതി ഇന്ന് കേട്ടത്. ഇതിന്മേലുള്ള കേന്ദ്ര സര്‍ക്കാറിന്റെ വാദവും കോടതി കേള്‍ക്കും. സ്വകാര്യത മൗലികാവകാശം അല്ല എന്നാണ് കേന്ദ്ര നിലപാട്.
Latest
പ്രായപൂര്‍ത്തിയാകാത്ത വിദ്യാര്‍ഥിനിയെ പീഡിപ്പിച്ച 65കാരന്‍ അറസ്റ്റില്‍
മണിപ്പൂരില്‍ വീണ്ടും സ്‌ഫോടനം; പാലം തകര്‍ന്നു, പരുക്കോ മരണമോ റിപ്പോര്‍ട്ട് ചെയ്തിട്ടില്ല
വൈദ്യപരിശോധനയ്ക്ക് എത്തിച്ചപ്പോള്‍ പോലീസ് കസ്റ്റഡിയില്‍ നിന്നും ഓടി രക്ഷപ്പെട്ട പ്രതി രണ്ട് ദിവസത്തിന് ശേഷം കീഴടങ്ങി
രാഷ്ട്രീയ പാരമ്പര്യമാണ് അന്‍വര്‍ ഉദ്ദേശിച്ചത് ജൈവപരമായി കാണേണ്ടതില്ല; എംവി ഗോവിന്ദന്‍
സുപ്രീംകോടതി നിര്‍ദേശത്തിന് പിന്നാലെ മാപ്പപേക്ഷിക്കുന്ന പുതിയ പത്രപരസ്യവുമായി ബാബ രാംദേവ്
വയോധിക ദമ്പതികളെ കൊലപ്പെടുത്തിയ കേസ്: പ്രതി കുറ്റക്കാരന്‍, ശിക്ഷാവിധി ഏപ്രില്‍ 29ന്
