Kozhikode
സ്മാര്‍ട്ട് വാച്ച് ഉപയോഗിച്ച് കോപ്പിയടി: വിദ്യാര്‍ഥി പിടിയില്‍
നാദാപുരം: കാലിക്കറ്റ് യൂനിവേഴ്‌സിറ്റി ബി കോം ഫൈനല്‍ പരീക്ഷയില്‍ സ്മാര്‍ട്ട് വാച്ച് ഉപയോഗിച്ച് കോപ്പിയടിച്ച വിദ്യാര്‍ഥി പിടിയില്‍. കല്ലാച്ചിയിലെ സ്വകാര്യ കോളജില്‍ സെന്റര്‍ ലഭിച്ച തലശ്ശേരിയിലെ പാരലല്‍ കോളജ് വിദ്യാര്‍ഥിയാണ് പിടിയിലായത്. ബുധനാഴ്ച രാവിലെയാണ് സംഭവം. ബി കോം മൂന്നാം സെമസ്റ്റര്‍ പരീക്ഷക്കിടെ വിദ്യാര്‍ഥി ഇടക്കിടെ വാച്ചില്‍ നോക്കുന്നതില്‍ സംശയം തോന്നിയ അധ്യാപകന്‍ വാച്ച് പരിശോധിക്കുകയായിരുന്നു.പരിശോധനയില്‍ ആപ്പിള്‍ കമ്പനിയുടെ വ്യാജ പേരിലുള്ള ചൈനീസ് കമ്പനിയുടെ വാച്ചില്‍ ഓഡിറ്റ് ടെക്സ്റ്റിലെ 137 ാം പേജിലെ ഉപന്യാസങ്ങള്‍ ഡാറ്റയായി സൂക്ഷിച്ചത് കണ്ടെത്തി. ഒരു ലക്ഷത്തില്‍പരം രേഖകള്‍ ഇത്തരത്തില്‍ വാച്ചില്‍ സൂക്ഷിക്കാം. വിവിധ പേരുകളിലായാണ് ഡാറ്റകള്‍ സൂക്ഷിച്ചത്. ഈ വാച്ചില്‍ ഓഡിയോ സൗകര്യമുള്ളതായും കണ്ടെത്തിയിട്ടുണ്ട്. ഇതേ കോളജിലെ അധ്യാപകനാണ് കോപ്പിയടി പിടിച്ചത്. തുടര്‍ന്ന് വിദ്യാര്‍ഥിയെ പരീക്ഷ എഴുതുന്നതില്‍ നിന്ന് വിലക്കുകയും കോളജ് പ്രിന്‍സിപ്പല്‍ യൂനിവേഴ്‌സിറ്റി അധികൃതരെ അറിയിക്കുകയും ചെയ്തു.
Latest
ജനറൽ ആശുപത്രി മഞ്ചേരിയിൽ നിലനിർത്തണം: കേരള മുസ്ലിം ജമാഅത്ത്
ഇനി കേരളത്തില്‍ പരാജയപ്പെട്ടാല്‍ കോണ്‍ഗ്രസ്സിന്റെ മരണം: ദീപാ ദാസ് മുന്‍ഷി
ഡല്‍ഹിയില്‍ നാലുനില കെട്ടിടം തകര്‍ന്നുവീണു; നിരവധി ആളുകള്‍ കുടുങ്ങിക്കിടക്കുന്നതായി റിപ്പോര്‍ട്ട്
സിന്തറ്റിക് മയക്കുമരുന്ന് കേസ്: ഇന്ത്യക്കാരനെ യു എ ഇ നാടുകടത്തി
കീം റാങ്ക് ലിസ്റ്റ്: ഒരു കോടതിക്കും റദ്ദ് ചെയ്യാനാവാത്ത വിധം അടുത്ത വര്‍ഷം മാനദണ്ഡം മാറ്റുമെന്ന് മന്ത്രി ആര്‍ ബിന്ദു
സ്‌കൂള്‍ സമയമാറ്റം; ചര്‍ച്ചക്കു തയ്യാറാണെന്നു വിദ്യാഭ്യാസ മന്ത്രി
