International
അധിനിവിഷ്ട ജറുസലമില്‍ ഇസ്‌റാഈല്‍ സെമിനാരി നിര്‍മിക്കുന്നു
ജറുസലം: ഫലസ്തീനികള്‍ ധാരാളമായി താമസിക്കുന്ന അധിനിവിഷ്ട ജറുസലമിലെ പഴയ നഗരത്തില്‍ ജൂത സെമിനാരി നിര്‍മിക്കാന്‍ ഇസ്‌റാഈല്‍ സര്‍ക്കാര്‍ തീരുമാനിച്ചു. 1967ലെ ആറ് ദിവസത്തെ ആക്രമണത്തിനൊടുവില്‍ പിടിച്ചെടുത്ത പ്രദേശത്താണ് സെമിനാരി നിര്‍മിക്കുക. കിഴക്കന്‍ ജറുസലമിലെ ശൈഖ് ജര്‍റ ടവറിന് സമീപമാണ് ഇത് നിര്‍മിക്കുന്നത്.
ജില്ലാ പ്ലാനിംഗ് കമ്മിറ്റി ഇത് അംഗീകരിച്ചാല്‍ അടുത്ത വര്‍ഷം തന്നെ നിര്‍മാണം ആരംഭിക്കും. പഴയ നഗരത്തിന്റെ വടക്ക് ഭാഗത്ത് സ്ഥിതി ചെയ്യുന്ന ഫലസ്തീനികള്‍ താമസിക്കുന്ന ഭാഗമാണ് ശൈഖ് ജര്‍റ. ഓറിയന്റ് ഹൗസ്, അമേരിക്കന്‍ കോളണി ഹോട്ടല്‍, ഫലസ്തീന്‍ നാഷനല്‍ തിയറ്റര്‍ തുടങ്ങിയ പ്രശസ്ത സ്ഥാപനങ്ങള്‍ പ്രവര്‍ത്തിക്കുന്ന ഇവിടെ 2700 ഫലസ്തീനികള്‍ താമസിക്കുന്നുണ്ട്. ഓള്‍ഡ് സിറ്റിയെ സ്‌കോപസ് പര്‍വത നിരകളുമായി ബന്ധപ്പെടുന്ന ഈ മേഖല വളരെ തന്ത്രപ്രധാനമാണ്. ജറുസലം തങ്ങളുടെ തലസ്ഥാനമായാണ് പലപ്പോഴും ഇസ്‌റാഈല്‍ അവകാശപ്പെടാറുള്ളത്. എന്നാല്‍ ഈ മേഖല ഇസ്‌റാഈല്‍ അന്താരാഷ്ട്ര നിയമങ്ങള്‍ കാറ്റില്‍പറത്തി പിടിച്ചെടുത്തതാണെന്നാണ് ആഗോള സമൂഹത്തിന്റെ നിലപാട്.
Latest
തളിപ്പറമ്പില്‍ എംഡിഎംഎയുമായി 26കാരന്‍ പിടിയില്‍
തിരഞ്ഞെടുപ്പ് : സംഘടന ഘടകങ്ങളെ അറിയിച്ച നിലപാടില്‍ മാറ്റമില്ല : കാന്തപുരം
സിദ്ധാര്‍ത്ഥന്റെ മരണം ഗുരുതര സംഭവം, അക്രമണം തടയാതിരുന്ന ഉദ്യോഗസ്ഥര്‍ക്കെതിരെ നടപടി വേണമെന്നും ഹൈക്കോടതി
വ്യാജ സര്‍ട്ടിഫിക്കറ്റ് വഴി സ്വപ്‌ന സുരേഷ് ജോലി വാങ്ങിയെന്ന കേസില്‍ കുറ്റപത്രം വായിക്കുന്നത് മാറ്റിവച്ചു
കൊല്ലം ഒരു വികാരമാണ് ,വിജയം സുനിശ്ചിതം ; എം മുകേഷ്
വയനാട്ടില്‍ വോട്ട് പിടിക്കാന്‍ വീണ്ടും ഭക്ഷ്യക്കിറ്റ് ; ബിജെപി പ്രാദേശിക നേതാവിന്റെ വീട്ടില്‍ നിന്ന് ഭക്ഷ്യക്കിറ്റ് പിടികൂടി
