കാശ്മീരില്‍ തീവ്രവാദി അക്രമത്തില്‍ നാല് പോലീസുകാര്‍ കൊല്ലപ്പെട്ടു

Posted on: April 26, 2013 9:28 pm | Last updated: April 26, 2013 at 10:20 pm

ശ്രീനഗര്‍: വടക്കേ കാശ്മീരിലെ ബാരാമുള്ള ജില്ലയിലെ സോപോറില്‍ നാല് പോലീസുകാരെ തീവ്രവാദികള്‍ വധിച്ചു. ശ്രീനഗറില്‍ നിന്നും 65 കിലോമീറ്റര്‍ അകലെയുള്ള സോപോര്‍ കുപ്‌വാര റോഡില്‍ വെച്ചാണ് പോലീസുകാര്‍ക്കെതിരെ അക്രമണം നടന്നത്. വടക്കേ കാശ്മീരില്‍ തീവ്രവാദികള്‍ ആഹ്വാനം ചെയ്ത ഹര്‍ത്താല്‍ ദിനത്തിലാണ് ഈ സംഭവം.

ഹെഡ് കോണ്‍സ്റ്റബിള്‍ അബ്ദുള്‍ റഹ്മാന്‍, കോണ്‍സ്റ്റബിള്‍ മുദാസിര്‍ അഹമ്മദ്,പ്രത്യേക പോലീസ് ഉദദ്യോഗസ്ഥരായ ഗുല്‍ഷന്‍, മുദാസിര്‍ അഹമ്മദ് പരൈ എന്നിവരാണ് മരിച്ചത്. ഹൈഗാമില്‍ മോഷണം നടന്നുവെന്ന് ഫോണ്‍ സന്ദേശം കിട്ടിയതിനെ തുടര്‍ന്നായിരുന്നു പോലീസുകാര്‍ ഇവിടെയെത്തിയത്. ഫോണ്‍ സന്ദേശത്തെ കുറിച്ച് പോലീസ് അന്വേഷണമാരംഭിച്ചു.

ALSO READ  നൗഗാമില്‍ തീവ്രവാദി ആക്രമണം: രണ്ട് പോലീസുകാര്‍ കൊല്ലപ്പെട്ടു