ആധാര്‍ ഉപയോഗിച്ച് തട്ടിപ്പ് നടത്തി; തിരുവഞ്ചൂര്‍ രാധാകൃഷ്ണന് വിര്‍ച്വല്‍ അറസ്റ്റ് ഭീഷണി

തിരുവനന്തപുരം| മുന്‍ ആഭ്യന്തര മന്ത്രിയും കോണ്‍ഗ്രസ് നേതാവുമായ തിരുവഞ്ചൂര്‍ രാധാകൃഷ്ണന് വിര്‍ച്വല്‍ അറസ്റ്റ് ഭീഷണി. തിരുവഞ്ചൂര്‍ രാധാകൃഷ്ണന്റെ ആധാര്‍ ഉപയോഗിച്ച് സാമ്പത്തിക തട്ടിപ്പ് നടത്തിയെന്ന് പറഞ്ഞായിരുന്നു ഭീഷണി. മുംബൈ പോലീസ് എന്ന പേരിലാണ് ഭീഷണിപ്പെടുത്തിയത്.

വാട്സ്ആപ്പ് വഴിയാണ് ഭീഷണി എത്തിയത്. സംഭവത്തില്‍ മുംബൈ പോലീസ് കേസെടുത്തെന്നും തട്ടിപ്പ് സംഘം അറിയിച്ചു. പിന്നാലെ തിരുവഞ്ചൂര്‍ രാധാകൃഷ്ണന്‍ സംസ്ഥാന പോലീസ് മേധാവിക്ക് പരാതി നല്‍കി.