Kerala
താലൂക്ക് ആശുപത്രിയിലെ ഡോക്ടറെ മര്ദിച്ച കേസ്; ശൂരനാട് പഞ്ചായത്ത് പ്രസിഡന്റ് അറസ്റ്റില്
ഡിസിസി സെക്രട്ടറിയടക്കം ഏഴ് പേര്ക്കെതിരെ ജാമ്യമില്ലാ വകുപ്പ് പ്രകാരം പോലീസ് കേസ് എടുത്തു
കൊല്ലം | ശാസ്താംകോട്ട താലൂക്ക് ആശുപത്രിയിലെ ഡോക്ടറെ മര്ദിച്ച കേസില് ശൂരനാട് പഞ്ചായത്ത് പ്രസിഡന്റ് ശ്രീകുമാര് അറസ്റ്റില്. ഡിസിസി സെക്രട്ടറിയടക്കം ഏഴ് പേര്ക്കെതിരെ ജാമ്യമില്ലാ വകുപ്പ് പ്രകാരം പോലീസ് കേസ് എടുത്തു. ഡോക്ടര് എം ഗണേഷിനെ മര്ദിച്ചതിനും ആശുപത്രി സൂപ്രണ്ട് ഡോ.ഷഹാന മുഹമ്മദിനെ ഭീഷണിപ്പെടുത്തിയതിനുമാണ് കേസ്.
പ്രതികളെ അറസ്റ്റ് ചെയ്യണമെന്നാവശ്യപ്പെട്ട് ശാസ്താംകോട്ട താലൂക്ക് ആശുപത്രിയില് ഒപി ബഹിഷ്കരിച്ച് ആശുപത്രി ജീവനക്കാര് സമരം നടത്തിയിരുന്നു.കിണറ്റില് വീണ് മരിച്ചയാളുടെ മൃതദേഹവുമായി ആശുപത്രിയില് എത്തിയതായിരുന്നു ശ്രീകുമാര്. ആംബുലന്സിലെത്തി മരണം സ്ഥിരീകരിക്കുന്നതില് ഡോക്ടര് താമസം വരുത്തിയെന്ന് ആരോപിച്ചായിരുന്നു മര്ദനം. കേസുമായി മുന്നോട്ടു പോയാല് ഡോക്ടറെ ആശുപത്രിക്ക് പുറത്ത് കൈയേറ്റം ചെയ്യുമെന്ന് കോണ്ഗ്രസ് നേതാക്കള് ഭീഷണി മുഴക്കിയതായും പരാതിയുണ്ട്. എന്നാല് രാത്രിയില് ആശുപത്രിയിലെത്തിയ തന്നോട്ടും മുന് ഗ്രാമപഞ്ചായത്ത് അംഗത്തോടും ഡോക്ടര് ഗണേശന് ഒരു പ്രകോപനവുമില്ലാതെ മോശമായി പെരുമാറുകയായിരുന്നുവെന്നും ഡോക്ടര് കൈയേറ്റം ചെയ്തെന്നുമാണ് പഞ്ചായത്ത് പ്രസിഡന്റ് ശ്രീകുമാര് പറയുന്നത്.