solar car
സോളാര്‍ കേസ്: കേരള ഹൗസില്‍ സി ബി ഐ പരിശോധന
കേരള ഹൗസിലെ അതിഥികളുടെ താമസ രജിസ്റ്റര്‍, വാഹന രജിസ്റ്റര്‍ പരിശോധിച്ചു; ജീവനക്കാരുടെ മൊഴിയെടുത്തു
ന്യൂഡല്‍ഹി | സോളാര്‍ തട്ടിപ്പുമായി ബന്ധപ്പെട്ട കേസ് അന്വേഷണത്തിന്റെ ഭാഗമായി ഡല്‍ഹി കേരള ഹൗസില്‍ സി ബി ഐ സംഘം പരിശോധന നടത്തി. കേരള ഹൗസിലെ അതിഥികളുടെ താമസ രജിസ്റ്റര്‍, വാഹന രജിസ്റ്റര്‍ എന്നിവ സംഘം പരിശോധിച്ചു. ജീവനക്കാരില്‍ നിന്നും സംഘം മൊഴിയെടുത്തു. 2012ലെ രേഖകളാണ് പ്രധാനമായും പരിശോധിച്ചത്.
സോളാര്‍ കേസിലെ പരാതിക്കാരി നല്‍കിയ ഡിജിറ്റല്‍ തെളിവുകളുടെ അടിസ്ഥാനത്തിലാണ് സി ബി ഐ യുടെ അന്വേഷണസംഘം ഡല്‍ഹിയില്‍ എത്തിയത്.
ഈ മാസം നാല് മുതല്‍ ഒമ്പത് വരെയുള്ള തീയതികളിലായി സി ബി ഐയുടെ രണ്ട് സംഘങ്ങളാണ് ഡല്‍ഹിയില്‍ എത്തിയത്.ഒരു സംഘം എ ഐ സി സി ജനറല്‍ സെക്രട്ടറി കെ സി വേണുഗോപാലിനെ ചോദ്യം ചെയ്തു. മറ്റൊരു സംഘമാണ് കേരള ഹൗസില്‍ പരിശോധന നടത്തിയത്.
കാലപ്പഴക്കമുള്ളതിനാല്‍ അന്വേഷിക്കുന്ന പല രേഖകളും സി ബി ഐക്ക് ലഭിച്ചിട്ടില്ല എന്നാണ് സൂചന. പ്രാഥമിക പരിശോധന മാത്രമാണ് നടന്നതെന്നും, ഡിജിറ്റല്‍ തെളിവുകള്‍ അടക്കം വിശദമായി പരിശോധിച്ച ശേഷം വീണ്ടും തെളിവെടുപ്പ് നടത്തുമെന്നുമാണ് സി ബി ഐ കേന്ദ്രങ്ങള്‍ പറയുന്നത്.
Latest
പ്ലസ് വണ്‍ സീറ്റ് വിവാദം എല്ലാ വര്‍ഷവും ഉള്ളതാണ് അതില്‍ രാഷ്ട്രീയ മുതലെടുപ്പ് നടത്തരുത്; മന്ത്രി വി ശിവന്‍കുട്ടി
അര്‍ഹരായ എല്ലാ ബിപിഎല്‍ അപേക്ഷകര്‍ക്കും വാട്ടര്‍ അതോറിറ്റി സൗജന്യ കുടിവെള്ളം നല്‍കും
അതിജീവിതയെ അപമാനിക്കുന്ന തരത്തില്‍ വാര്‍ത്തകള്‍ നല്‍കരുത്; കര്‍ശനമായി ഇടപെടേണ്ട സ്ഥിതിയെന്ന് വനിത കമ്മിഷന്‍ അധ്യക്ഷ
പട്ടാമ്പിയിൽ 13കാരന്‍ കുളത്തിൽ മുങ്ങിമരിച്ചു
ലോക്‌സഭാ തിരഞ്ഞെടുപ്പിൽ വീട്ടിൽ വോട്ട് ചെയ്ത് മുതിര്‍ന്ന ദേശീയ നേതാക്കള്‍
എല്ലാ മുതിര്‍ന്ന നേതാക്കളുമായി നാളെ ഡല്‍ഹിയിലെത്തും, കൂട്ടത്തോടെ അറസ്റ്റ് ചെയ്യാം; കേന്ദ്ര സര്‍ക്കാറിനെ വെല്ലുവിളിച്ച് അരവിന്ദ് കെജരിവാള്‍
