Kerala
അനധികൃത വിദേശമദ്യ വില്‍പന; രണ്ടുപേര്‍ അറസ്റ്റില്‍
കമ്പളക്കാട് കോട്ടത്തറ കൂഴിവയല്‍ സ്വദേശി ജയേഷ് (41), ചൂരല്‍മല സെന്റിനല്‍ റോക്ക് റാട്ടപ്പാടി വെള്ളയ്യ (68) എന്നിവരാണ് അറസ്റ്റിലായത്.
കല്‍പ്പറ്റ | അനധികൃത വിദേശമദ്യ വില്‍പനയുമായി ബന്ധപ്പെട്ട് വയനാട്ടില്‍ രണ്ടിടങ്ങളിലായി രണ്ടുപേര്‍ അറസ്റ്റില്‍. കമ്പളക്കാട്, മേപ്പാടി പോലീസ് സ്റ്റേഷന്‍ പരിധികളിലാണ് സംഭവം. കമ്പളക്കാട് കോട്ടത്തറ കൂഴിവയല്‍ സ്വദേശി ജയേഷ് (41), ചൂരല്‍മല സെന്റിനല്‍ റോക്ക് റാട്ടപ്പാടി വെള്ളയ്യ (68) എന്നിവരാണ് അറസ്റ്റിലായത്.
3.75 ലിറ്റര്‍ വിദേശമദ്യമാണ് ജയേഷില്‍ നിന്ന് കണ്ടെടുത്തത്. വില്‍പനക്കായി സൂക്ഷിച്ച മദ്യം പട്രോളിംഗിനിടെയാണ് പോലീസ് കണ്ടെടുത്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. കമ്പളക്കാട് ഇന്‍സ്‌പെക്ടര്‍ എസ് എച്ച് ഒ. ഇ ഗോപകുമാറിന്റെ നേതൃത്വത്തിലുള്ള പോലീസ് സംഘമാണ് ജയേഷിനെ പിടികൂടിയത്.
മൂന്ന് ലിറ്റര്‍ വിദേശമദ്യമാണ് വെള്ളയ്യയില്‍ നിന്നും കണ്ടെടുത്തത്. മേപ്പാടി ഇന്‍സ്‌പെക്ടര്‍ എസ് എച്ച് ഒ. ബി കെ സിജുവിന്റെ നേതൃത്വത്തിലുള്ള പോലീസ് സംഘമാണ് വെള്ളയ്യയെ അറസ്റ്റ് ചെയ്തത്. സബ് ഇന്‍സ്‌പെക്ടര്‍ ഷാജി, സീനിയര്‍ സിവില്‍ പോലീസ് ഓഫീസര്‍ ബിഗേഷ്, പ്രശാന്ത്, സിവില്‍ പോലീസ് ഓഫീസര്‍മാരായ ജിഷ്ണു, സജീവന്‍, ബാലു എന്നിവരാണ് അന്വേഷണ സംഘത്തിലുണ്ടായിരുന്നത്.
Latest
അവിശ്വാസികള്‍ക്ക് ശരീഅത്ത് ബാധകമാക്കരുത്; ഹരജിയില്‍ കേന്ദ്രത്തിനും കേരളത്തിനും നോട്ടീസ് അയച്ച് സുപ്രീം കോടതി
'ഹില്ലി അക്വ' ഉത്പാദനം ഇനി മലബാറിലും
മോചനദ്രവ്യം സ്വീകരിച്ച് അബ്ദുര്‍റഹീമിന് മാപ്പ് നല്‍കാന്‍ തയ്യാറെന്ന് കുടുംബം കോടതിയില്‍
ഗ്രൗണ്ടുകളായില്ല; ഡ്രൈവിംഗ് ടെസ്റ്റ് പരിഷ്‌കരണത്തില്‍ ഇളവ്
കേരള മുസ്‌ലിം ജമാഅത്ത് സംസ്ഥാന കൗണ്‍സില്‍ ഇന്നും നാളെയും
ഊട്ടി, കൊടൈക്കനാല്‍ യാത്രക്ക് ഇ പാസ്സ്
