കൈനിറയെ ഓണ സമ്മാനങ്ങളുമായി ലുലു സൗഭാ​ഗ്യോത്സവം; ഭാ​ഗ്യശാലികളെ  കാത്തിരിക്കുന്നത് 20 കിയാ സിറോസ് കാറുകളും സമ്മാനങ്ങളും

കോഴിക്കോട്|ഏറ്റവും മികച്ച വിലയിൽ ഷോപ്പിങ്ങും കൈനിറയെ സമ്മാനങ്ങളും നേടാൻ അവസരമൊരുക്കി ലുലു സൗഭാ​ഗ്യോത്സവത്തിന്  ലുലുമാളിൽ തുടക്കമായി. ലുലു ഹൈപ്പർ മാർക്കറ്റ്, ലുലു കണക്ട് , ലുലു ഫാഷൻ,  സെലിബ്രേറ്റ് സ്റ്റോറുകൾ, ലുലു ഡെയ്ലി എന്നിവിടങ്ങളിൽ നിന്ന് ഷോപ്പിംഗ് നടത്തുന്നവർക്ക് ബമ്പർ സമ്മാനങ്ങളും  ഒട്ടനവധി ആകർഷകമായ സമ്മാനങ്ങളും നേടാനുള്ള അവസരം ഒരുങ്ങും.ഭാ​ഗ്യശാലികൾക്ക്  20 കിയ സിറോസ് കാറുകൾ ഗ്രാൻഡ് ബമ്പർ സമ്മാനമായി നൽകുന്നതോടൊപ്പം സ്വർണനാണയങ്ങൾ, എൽ.ഇ.ഡി ടി.വികൾ, സ്മാർട്ട്ഫോണുകൾ, ഗിഫ്റ്റ് കാർഡുകൾ, ട്രോളി ഫ്രീ ഷോപ്പിംഗ്, ഗൃഹോപകരണങ്ങൾ, ഇലക്ട്രോണിക്സ് ഉൽപ്പന്നങ്ങൾ തുടങ്ങി നിരവധി സമ്മാനങ്ങളും നേടാൻ ഓണക്കാല ഷോപ്പിങ്ങിലൂടെ സാധിക്കും. നിത്യോപയോ​ഗ സാധനങ്ങൾ, ​ഗ്രോസറി ഉത്പ്പന്നങ്ങൾ, പഴം, പച്ചക്കറി അടക്കം വിലക്കുറവിൽ ലുലു ഹൈപ്പർമാർക്കറ്റിൽ ഒരുങ്ങുന്നു.  മുതിർന്നവരുടെ മുതൽ കുട്ടികളുടെ വരെ വിവിധ ബ്രാൻഡുകളുടെ വസ്ത്രശേഖരവുമായി  ലുലു ഫാഷൻ സ്റ്റോറിലും ഓണം സെയിൽ തുടങ്ങി.

ഇലക്ട്രോണിക്സ് ഉപകരണങ്ങൾക്കും ​ഗൃഹോപകരണങ്ങൾക്കും, മൊബൈൽ ഫോൺ, ലാപ്ടോപ്പ് എന്നിവയ്ക്കും  വിലക്കുറവാണ് ലുലു  കണക്ടിൽ ഒരുക്കുന്നത്. കല്യാണപ്പുടവയും ഓണക്കോടിയുമടക്കം വാങ്ങുവാൻ മികവുറ്റ ഷോപ്പിങ്ങ് അവസരമൊരുക്കി ലുലു സെലിബ്രേറ്റും ഓണക്കാല കളക്ഷനുമായി സൗഭാ​ഗ്യോത്സവത്തിന്റെ ഭാ​ഗമാണ്.

കോഴിക്കോട് ലുലുമാളിൽ  സൗഭാ​ഗ്യോത്സവത്തിന്റെ വിളംബരാഘോഷം  വിപുലമായി നടന്നു. ചെണ്ടമേളങ്ങളുടേയും വാദ്യഘോഷങ്ങളുടേയും അകമ്പടിയോടെ മാവേലിയും എഴുന്നള്ളിയാണ് സൗഭാ​ഗ്യോത്സവത്തിന്റെ വിളംബരാഘോഷം നടന്നത്. ചടങ്ങിൽ കോഴിക്കോട് ലുലു റീജിയണൽ  ഡയറക്ടർ ഷെരീഫ് മാട്ടിൽ, റീജണൽ മാനേജർ ഷെരീഫ് സെയ്ദു, മാൾ മാനേജർ അരുൺദാസ്, ബയിങ് മാനേജർ പ്രദീപ്‌ എന്നിവർ  പങ്കെടുത്തു.

Content Highlights:
Lulu Mall launched the Saubhagyotsavam campaign featuring major Onam discounts and bumper prizes. Shoppers can win 20 Kia Syros cars, gold coins, smartphones, and electronics across all departments. The grand proclamation ceremony took place at Kozhikode Lulu Mall with cultural performances.