Kerala
ഫോറന്‍സിക് റിപ്പോര്‍ട്ട്; ഓം പ്രകാശ് താമസിച്ച മുറിയില്‍ കൊക്കെയ്ന്‍ സാന്നിധ്യം സ്ഥിരീകരിച്ചു
കൊച്ചിയില്‍ നടന്നത് ലഹരി പാര്‍ട്ടി തന്നെയാണെന്ന് സ്ഥിരീകരിക്കും വിധമാണ് റിപ്പോര്‍ട്ട്.
കൊച്ചി| ഗുണ്ടാ നേതാവ് ഓംപ്രകാശ് പ്രതിയായ ലഹരിക്കേസില്‍ കൊക്കെയ്ന്‍ സാന്നിധ്യം സ്ഥിരീകരിച്ച് ഫോറന്‍സിക് റിപ്പോര്‍ട്ട്. കൊച്ചിയില്‍ നടന്നത് ലഹരി പാര്‍ട്ടി തന്നെയാണെന്ന് സ്ഥിരീകരിക്കും വിധമാണ് റിപ്പോര്‍ട്ട്. ഓംപ്രകാശ് താമസിച്ചിരുന്ന ഹോട്ടല്‍ മുറിയില്‍ കൊക്കെയ്ന്‍ സാന്നിധ്യം ഫോറന്‍സിക് പരിശോധനാ റിപ്പോര്‍ട്ടില്‍ സ്ഥിരീകരിച്ചു.
ലഹരിപാര്‍ട്ടി നടന്ന മുറിയിലേക്ക് താരങ്ങളായ ശ്രീനാഥ് ഭാസിയും പ്രയാഗ മാര്‍ട്ടിനും എത്തിയിരുന്നുവെന്ന് പോലീസ് കണ്ടെത്തിയിരുന്നു. കേസില്‍ ഇരുവരെയും പോലീസ് വിശദമായി ചോദ്യം ചെയ്തിരുന്നു.
കേസില്‍ ശാസ്ത്രീയ പരിശോധനാ ഫലം ലഭിക്കാത്തതിനാല്‍ ഹോട്ടലില്‍ കൊക്കെയിനിന്റെ സാന്നിധ്യം സ്ഥിരീകരിക്കാന്‍ കഴിയാത്തത് പോലീസിന് വലിയ വെല്ലുവിളിയായിരുന്നു. നേരത്തെ കൊക്കെയ്ന്‍ ഉപയോഗിച്ചതായി തെളിയിക്കാനാകാത്തതിനെ തുടര്‍ന്ന് എറണാകുളം മജിസ്‌ട്രേറ്റ് കോടതി ഓം പ്രകാശിന് ജാമ്യം അനുവദിച്ചിരുന്നു. ഈ റിപ്പോര്‍ട്ടിന്റെ അടിസ്ഥാനത്തില്‍ ഓം പ്രകാശിന്റെ ജാമ്യം റദ്ദാക്കാന്‍ പോലീസ് കോടതിയില്‍ അപേക്ഷ നല്‍കും.
Latest
ഡോക്ടറാകണമെന്ന മോഹം ബാക്കിയായി; ഒടുവില് ആല്വിനും വിധിക്ക് കീഴടങ്ങി
എലത്തൂര് ഇന്ധനച്ചോര്ച്ച: എച്ച് പി സി എല്ലിന് ഗുരുതര വീഴ്ച; കേസെടുത്തു
വിമാന യാത്രാനിരക്ക് വര്ധനയില് കേന്ദ്ര ഇടപെടല് വരുന്നു
പിന്മാറ്റം സ്മാര്ട്ടല്ല
ഡ്രൈവിങ് സ്കൂള് ഉടമയെ മര്ദിച്ച കേസ്; സഹോദരങ്ങള് അറസ്റ്റില്
മുനമ്പം: പ്രതിപക്ഷ നേതാവ് പ്രസ്താവന പിന്വലിച്ച് മാപ്പ് പറയണമെന്ന് പി ഡി പി
