Uae
അബൂദബിയില്‍ ഫാമിലി സപ്പോര്‍ട്ട് സെന്റര്‍ ആരംഭിച്ചു
മാതാപിതാക്കള്‍ക്കും കുടുംബങ്ങള്‍ക്കും കുട്ടികള്‍ക്കുമുള്ള ആറ് പ്രാഥമിക സേവനങ്ങള്‍ കേന്ദ്രത്തില്‍ ലഭ്യമാകും.
അബൂദബി | വിവാഹിതരാകാന്‍ പോകുന്ന യുവ ഇമാറാത്തി ദമ്പതികള്‍ക്ക് മാര്‍ഗനിര്‍ദേശവും പിന്തുണയും നല്‍കുന്ന കേന്ദ്രം അബൂദബിയില്‍ ആരംഭിച്ചു. കിരീടാവകാശി ശൈഖ് ഖാലിദ് ബിന്‍ മുഹമ്മദ് ബിന്‍ സായിദ് അല്‍ നഹ്്യാന്റെ അംഗീകാരം ലഭിച്ചതിനെ തുടര്‍ന്നാണ് മെഡീം സെന്റര്‍ ആരംഭിച്ചത്.
വിദ്യാഭ്യാസ കോഴ്സുകള്‍, ബോധവത്കരണം, മാര്‍ഗനിര്‍ദ്ദേശ പരിപാടികള്‍, കമ്മ്യൂണിറ്റി സംരംഭങ്ങള്‍ എന്നിവയിലൂടെ വിവാഹനിശ്ചയം കഴിഞ്ഞ ദമ്പതികള്‍ക്ക് ഇത് പ്രയോജനകരമാകും. മാതാപിതാക്കള്‍ക്കും കുടുംബങ്ങള്‍ക്കും കുട്ടികള്‍ക്കുമുള്ള ആറ് പ്രാഥമിക സേവനങ്ങള്‍ കേന്ദ്രത്തില്‍ ലഭ്യമാകും.
വ്യാഴാഴ്ച ശൈഖ് ഖാലിദ് കേന്ദ്രം സന്ദര്‍ശിക്കുകയും മേദീം സംരംഭത്തെക്കുറിച്ചും സെന്ററിന്റെ സേവനങ്ങളെക്കുറിച്ചും സൗകര്യങ്ങളെക്കുറിച്ചും വിലയിരുത്തുകയും ചെയ്തു. വിജയകരമായ ദാമ്പത്യ ജീവിതം ആസ്വദിക്കുന്നതിന് ആവശ്യമായ വൈദഗ്ധ്യവും അറിവും വികസിപ്പിക്കുന്നതിന് സഹായിക്കേണ്ടതിന്റെ ആവശ്യകത അദ്ദേഹം ഊന്നിപ്പറഞ്ഞു.
ദമ്പതികളെ പിന്തുണക്കുന്നതിന് ജേര്‍ണി ഓഫ് എ ലൈഫ് ടൈം എക്‌സ്പീരിയന്‍സിന്റെ പ്രവര്‍ത്തനങ്ങളും അദ്ദേഹം വിലയിരുത്തി. അബൂദബിയിലെ കമ്മ്യൂണിറ്റി സേവനങ്ങളില്‍ ഈ കേന്ദ്രം ഗണ്യമായ പുരോഗതിയാണെന്ന് കമ്മ്യൂണിറ്റി ഡെവലപ്‌മെന്റ് വകുപ്പ് ചെയര്‍മാന്‍ ഡോ മുഗീര്‍ അല്‍ ഖൈലി പറഞ്ഞു.
Latest
ഹൈക്കോടതിയില്‍ നിന്ന് വിരമിച്ച ജഡ്ജിമാര്‍ക്കെല്ലാം തുല്യ പെന്‍ഷന്‍ നല്‍കണം; സുപ്രീം കോടതി
ഇന്ത്യ-പാക് വെടിനിര്‍ത്തല്‍: അമേരിക്കയ്ക്ക് പങ്കില്ലെന്ന് ഇന്ത്യന്‍ വിദേശകാര്യ സെക്രട്ടറി
യു എ ഇയിലെ പ്രാദേശിക ഉത്പന്നങ്ങളുടെ മികവ് വിളിച്ചോതി മേക്ക് ഇറ്റ് ഇന്‍ ദി എമിറേറ്റ്‌സ് ഫോറം
തിരുവാങ്കുളത്ത് മൂന്ന് വയസ്സുകാരിയെ കാണാതായി; അന്വേഷണം ആരംഭിച്ച് പോലീസ്
കാട്ടാന ആക്രമണം; ടാപ്പിങ് തൊഴിലാളി മരിച്ചു
ആംബുലന്‍സ് ഡ്രൈവര്‍ക്ക് ക്രൂര മര്‍ദനം
