Uae
കണ്ണൂരിലേക്കുള്ള വിമാന യാത്രാ ക്ലേശം പരിഹരിക്കണം: പയ്യന്നൂര്‍ സൗഹൃദവേദി
കേരള സര്‍ക്കാര്‍ നിരന്തരം കേന്ദ്ര സര്‍ക്കാരില്‍ സമ്മര്‍ദം ചെലുത്തിയിട്ടും അനുകൂലമായ നിലപാട് സ്വീകരിക്കാത്തത് പ്രതിഷേധാര്‍ഹമാണെന്ന് പയ്യന്നൂര്‍ സൗഹൃദവേദി അബുദബി ഘടകം പറഞ്ഞു
അബുദബി \ കണ്ണൂര്‍ ഉള്‍പ്പെടെയുള്ള വിമാനത്താവളങ്ങളിലേക്ക് യു എ ഇ യില്‍ നിന്നും കൂടുതല്‍ സര്‍വീസ് അനുവദിക്കണമെന്ന വിമാനക്കമ്പനികളുടെ ആവശ്യം കേന്ദ്രസര്‍ക്കാര്‍ തള്ളിയതില്‍ പയ്യന്നൂര്‍ സൗഹൃദവേദി അബുദബി ഘടകം പ്രതിഷേധം രേഖപ്പെടുത്തി. യു എ ഇ യില്‍ വിദ്യാലയങ്ങളുടെ അവധിക്കാലം വരാനിരിക്കുന്ന സാഹചര്യത്തില്‍ കേന്ദ്രസര്‍ക്കാരിന്റെ തീരുമാനം സാധാരണക്കാരായ പ്രവാസികളെയും കുടുംബാംഗങ്ങളെയും വളരെയധികം ദോഷകരമായി ബാധിക്കും. കേരള സര്‍ക്കാര്‍ നിരന്തരം കേന്ദ്ര സര്‍ക്കാരില്‍ സമ്മര്‍ദം ചെലുത്തിയിട്ടും അനുകൂലമായ നിലപാട് സ്വീകരിക്കാത്തത് പ്രതിഷേധാര്‍ഹമാണെന്ന് പയ്യന്നൂര്‍ സൗഹൃദവേദി അബുദബി ഘടകം പറഞ്ഞു.
വിദേശ കമ്പനികളുടെ സര്‍വീസുകളില്ലാത്ത കണ്ണൂര്‍ വിമാനത്താവളത്തില്‍നിന്നുള്ള യാത്രക്കാര്‍ക്ക് കേന്ദ്രതീരുമാനം വലിയ തിരിച്ചടിയാണ് ഉണ്ടാക്കിയത്. കണ്ണൂര്‍ വിമാനത്താവളത്തിലേക്ക് സര്‍വീസ് നടത്തുന്ന ഒരേഒരു വിമാനക്കമ്പനിയായ എയര്‍ ഇന്ത്യ പ്രവാസികളെ പിഴിയുകയാണെന്നും
സൗഹൃദവേദി അഭിപ്രായപ്പെട്ടു. പ്രവാസികളുടെ യാത്രാ പ്രശ്‌നം പരിഹരിക്കുന്നതിന് അനുകൂല നിലപാട് സ്വീകരിക്കണമെന്ന് ആവശ്യപ്പെട്ട് കേന്ദ്രസര്‍ക്കാരിന് സൗഹൃദവേദി നിവേദനം നല്‍കിയിട്ടുണ്ടെന്ന് പ്രസിഡന്റ് ശ്രീവത്സന്‍ പിലിക്കോട് അറിയിച്ചു.
Latest
പ്ലസ് വണ്‍ സീറ്റ് വിവാദം എല്ലാ വര്‍ഷവും ഉള്ളതാണ് അതില്‍ രാഷ്ട്രീയ മുതലെടുപ്പ് നടത്തരുത്; മന്ത്രി വി ശിവന്‍കുട്ടി
അര്‍ഹരായ എല്ലാ ബിപിഎല്‍ അപേക്ഷകര്‍ക്കും വാട്ടര്‍ അതോറിറ്റി സൗജന്യ കുടിവെള്ളം നല്‍കും
അതിജീവിതയെ അപമാനിക്കുന്ന തരത്തില്‍ വാര്‍ത്തകള്‍ നല്‍കരുത്; കര്‍ശനമായി ഇടപെടേണ്ട സ്ഥിതിയെന്ന് വനിത കമ്മിഷന്‍ അധ്യക്ഷ
പട്ടാമ്പിയിൽ 13കാരന്‍ കുളത്തിൽ മുങ്ങിമരിച്ചു
ലോക്‌സഭാ തിരഞ്ഞെടുപ്പിൽ വീട്ടിൽ വോട്ട് ചെയ്ത് മുതിര്‍ന്ന ദേശീയ നേതാക്കള്‍
എല്ലാ മുതിര്‍ന്ന നേതാക്കളുമായി നാളെ ഡല്‍ഹിയിലെത്തും, കൂട്ടത്തോടെ അറസ്റ്റ് ചെയ്യാം; കേന്ദ്ര സര്‍ക്കാറിനെ വെല്ലുവിളിച്ച് അരവിന്ദ് കെജരിവാള്‍
