Kerala
15 കാരിയെ പീഡിപ്പിച്ച 74 കാരനായ ട്യൂഷന്‍ അധ്യാപകന് 10 വര്‍ഷം തടവ്
നാവായിക്കുളം രാഗഭവനില്‍ കണ്ണപ്പനെന്ന രാജേന്ദ്രന്‍ നായരെ (74) യാണ് വര്‍ക്കല അതിവേഗ കോടതി ശിക്ഷിച്ചത്
തിരുവനന്തപുരം | ട്യൂഷനായി വീട്ടില്‍ വന്ന 15 കാരിയെ ലൈംഗിക പീഡനത്തിനിരയാക്കിയ 74 കാരനായ അധ്യാപകന് 10 വര്‍ഷം തടവും 50,000 രൂപ പിഴയും. സ്വകാര്യ ട്യൂഷന്‍ അധ്യാപകനായ നാവായിക്കുളം രാഗഭവനില്‍ കണ്ണപ്പനെന്ന രാജേന്ദ്രന്‍ നായരെ (74) യാണ് വര്‍ക്കല അതിവേഗ കോടതി ശിക്ഷിച്ചത്. 2020ല്‍ കല്ലമ്പലം പോലീസ് രജിസ്റ്റര്‍ ചെയ്ത കേസിലാണ് വിധി.
ട്യൂഷന്‍ ക്ലാസിലെത്തിയ പത്താംക്ലാസുകാരിയെ പ്രതി ശാരീരികമായി പീഡിപ്പിക്കുകയായിരുന്നു. വീട്ടിലെത്തിയ കുട്ടി രക്ഷാകര്‍ത്താക്കളോട് വിവരം പറയുകയും തുടര്‍ന്നുള്ള പരാതിയില്‍ പോലീസ് പോക്‌സോ വകുപ്പ് പ്രകാരം കേസെടുക്കുകയുമായിരുന്നു.
പോക്‌സോ ആക്ട് 9(എല്‍), 9(പി) വകുപ്പുകള്‍ പ്രകാരം അഞ്ച് വര്‍ഷം വീതം 10 വര്‍ഷം തടവും 25,000 രൂപ വീതം 50,000 രൂപ പിഴയുമാണ് ശിക്ഷ വിധിച്ചത്. പിഴ അടച്ചില്ലെങ്കില്‍ ആറ് മാസം വീതം അധിക തടവ് അനുഭവിക്കണം. ശിക്ഷ ഒരുമിച്ചു അനുഭവിച്ചാല്‍ മതിയാകും. പിഴ തുകയില്‍ നിന്നും 25,000 രൂപ കുട്ടിക്ക് നല്‍കാനും കോടതി നിര്‍ദ്ദേശിച്ചിട്ടുണ്ട്. വര്‍ക്കല അതിവേഗ പ്രത്യേക കോടതി ജഡ്ജി എസ് ആര്‍ സിനി ആണ് വിധി പ്രഖ്യാപിച്ചത്.
Latest
ഭക്ഷ്യ സുരക്ഷാ ലംഘനം; അബൂദബിയിൽ അഞ്ച് റെസ്റ്റോറന്റുകളും ഒരു സൂപ്പർമാർക്കറ്റും അടച്ചുപൂട്ടി
എമിറേറ്റ്സ് ഒമാനിൽ ക്യാബിൻ ക്രൂ അഭിമുഖം നടത്തുന്നു
കടവന്ത്രയില്‍ വന്ദേഭാരത് അടക്കമുള്ള ട്രെയിനുകളില്‍ ഭക്ഷണം വിതരണം ചെയ്യുന്ന കാറ്ററിങ് സെന്ററില്‍ നിന്നും പഴകിയ ഭക്ഷണം പിടികൂടി
സുപ്രീംകോടതി ചീഫ് ജസ്റ്റിസായി ജസ്റ്റിസ് ബി ആര്‍ ഗവായ് സത്യപ്രതിജ്ഞ ചെയ്ത് ചുമതലയേറ്റു
ബ്ലൂ റെസിഡൻസി; യു എ ഇ 180 ദിവസത്തെ പ്രവേശന വിസ ആരംഭിച്ചു
കാനഡയില്‍ കാര്‍ണി മന്ത്രിസഭയുടെ ആദ്യ യോഗം ഇന്ന്; ഇന്ത്യന്‍ വംശജ അനിത ആനന്ദ് പുതിയ വിദേശകാര്യ മന്ത്രി
