Kerala

രാഹുൽ നാളെ കൊച്ചിയിൽ

Published

Mar 21, 2021 11:16 pm |

Last Updated

Mar 21, 2021 11:16 pm

കൊച്ചി | തിരഞ്ഞെടുപ്പ് പ്രചാരണവുമായി ബന്ധപ്പെട്ട് കോൺഗ്രസ് മുൻ അധ്യക്ഷൻ രാഹുൽ ഗാന്ധി എം പി തിങ്കളാഴ്ച എറണാകുളത്ത് എത്തുമെന്ന് ഹൈബി ഈഡൻ എം പി അറിയിച്ചു. വൈപ്പിൻ, കൊച്ചി, തൃപ്പൂണിത്തുറ നിയോജക മണ്ഡലങ്ങളിലാണ് രാഹുൽ ഗാന്ധിയുടെ പര്യടനം.

നാളെ രാവിലെ 11ന് കൊച്ചി നേവി വിമാനത്താവളത്തിലെത്തുന്ന രാഹുൽ 11.15 മുതൽ 12.15 വരെ സെന്റ് തെരേസാസ് കോളജിൽ വിദ്യാർഥിനികളുമായി കൂടിക്കാഴ്ച നടത്തും.

തുടർന്ന് വൈപ്പിൻ നിയോജക മണ്ഡലത്തിൽ ഗോശ്രീ ജംഗ്ഷൻ, കൊച്ചി നിയോജക മണ്ഡലത്തിലെ ഫോർട്ട് കൊച്ചി വേളി ജംഗ്ഷനിലും തൃപ്പൂണിത്തുറ കച്ചേരിപ്പടിയിലും യോഗങ്ങളിൽ പങ്കെടുക്കും.