പത്തനംതിട്ടയില്‍ കൊവിഡ് ബാധിതര്‍ പത്തൊമ്പതിനായിരം കടന്നു

പത്തനംതിട്ട |  പത്തനംതിട്ടയില്‍ കൊവിഡ് 19 വൈറസ് ബാധിതരുടെ എണ്ണം പത്തൊമ്പതിനായിരം കടന്നു. ചൊവ്വാഴ്ച 197 പേര്‍ക്ക് കൂടി പോസിറ്റീവായതോടെ കൊവിഡ് 19 ബാധിതരുടെ എണ്ണം 19148 ആയി ഉയര്‍ന്നു. ചൊവ്വാഴ്ച രോഗം സ്ഥീരീകരിച്ചവരില്‍ സമ്പര്‍ക്കപശ്ചാത്തലം വ്യക്തമല്ലാത്ത 46 പേരുണ്ട്.

ജില്ലയില്‍ ഇന്നലെ 184 പേര്‍ രോഗമുക്തരായി. നിലവില്‍ പത്തനംതിട്ട ജില്ലക്കാരായ 1817 പേര്‍ രോഗികളായിട്ടുണ്ട്. ഇതില്‍ 1696 പേര്‍ ജില്ലയിലും, 121 പേര്‍ ജില്ലയ്ക്ക് പുറത്തും ചികിത്സയിലാണ്. ജില്ലയുടെ ഇന്നലത്തെ ടെസ്റ്റ് പോസിറ്റീവിറ്റി റേറ്റ് 8.21 ശതമാനമാണ്.