Connect with us

Ongoing News

ഐപിഎല്‍: കിംഗ്‌സ് ഇലവന്‍ പഞ്ചാബിനെതിരെ മുംബൈ ഇന്ത്യന്‍സിന് ജയം

Published

|

Last Updated

അബുദാബി | ഐപിഎല്‍ ക്രിക്കറ്റില്‍ കിംഗ്സ് ഇലവണ്‍ പഞ്ചാബിനെതിരെ മുംബൈ ഇന്ത്യന്‍സിനു 48 റണ്‍സ് ജയം. ബാറ്റിംഗിലും ബൗളിംഗിലും ഒരു പോലെ കരുത്ത് കാട്ടിയാണ് മുംബൈ ഇന്ത്യന്‍സിന്റെ ജയം.

നായകന്‍ രോഹിത് ശര്‍മയുടെയും കെയ്റോണ്‍ പൊളാര്‍ഡിന്റെയും ഹര്‍ദിക് പാണ്ഡ്യയുടെയും ബാറ്റിംഗ് മികവില്‍ മുംബൈ ഇന്ത്യന്‍സ് 191 റണ്‍സെടുത്തു. 192 റണ്‍സ് വിജയലക്ഷ്യവുമായി ക്രീസിലിറങ്ങിയ കിംഗ്‌സ് ഇലവന് പക്ഷേ 143 റണ്‍സേ നേടാനായുള്ളൂ. ജയിംസ് പാറ്റിംഗ്സണും ജസ്പ്രീത് ബുമ്രയും രാഹുല്‍ ചഹാറും ചേര്‍ന്നന്നാണ് കിംഗ്‌സ് ഇലവനെ എറിഞ്ഞുവീഴ്ത്തിയത്.

പഞ്ചാബിനായി 27 പന്തില്‍ 44 റണ്‍സ് നേടിയ നിക്കോളാസ് പുരനാണ് ടോപ് സ്‌കോറര്‍. ലോകേഷ് രാഹുല്‍ 17 റണ്‍സും മയങ്ക് അഗര്‍വാള്‍ 25 റണ്‍സും നേടി.

മുംബൈയ്ക്കായി ജയിംസ് പാറ്റിംഗ്സണും ജസ്പ്രീത് ബുമ്രയും രാഹുല്‍ ചഹാറും രണ്ട് വിക്കറ്റ് വീതം വീഴ്ത്തി. ബോള്‍ട്ടും കുനാല്‍ പാണ്ഡ്യയും ഓരോ വിക്കറ്റ് വീതവും വീഴ്ത്തി.

Latest