Uae
'കരിപ്പൂരിനും നീതി വേണം'; ഗള്‍ഫിലും പ്രതിഷേധം ശക്തം
ദുബൈ | പൊതുമേഖലയില്‍ പ്രവര്‍ത്തിക്കുന്ന കരിപ്പൂര്‍ അന്താരാഷ്ട്ര വിമാനത്താവളത്തെ തകര്‍ക്കാനുള്ള ഗൂഢനീക്കങ്ങളെ ചെറുക്കുന്നതിന് “കരിപ്പൂരിനും നീതി വേണം” എന്ന പ്രമേയത്തില്‍ ഐ സി എഫ് ഗള്‍ഫ് കൗണ്‍സില്‍ വിപുലമായ കാമ്പയിന്‍ സംഘടിപ്പിച്ചു. സോഷ്യല്‍ മീഡിയ പ്രചാരണം, പേര്‍സണല്‍ കാമ്പയിന്‍, നാഷണല്‍ തലത്തില്‍ വിവിധ സാമൂഹ്യ സാംസ്‌കാരിക വ്യക്തിത്വങ്ങളെ പങ്കെടുപ്പിച്ചു ഗള്‍ഫ് രാജ്യങ്ങളില്‍ ബഹുജന സംഗമം തുടങ്ങിയവയും ഇതിന്റെ ഭാഗമായി നടന്നു.
മലബാറിലെ ലക്ഷക്കണക്കിന് ജനങ്ങള്‍ക്ക് വലിയ തോതില്‍ ഉപകാരപ്പെടുന്ന എയര്‍പോര്‍ട്ടിനോടു അധികൃതര്‍ കാണിക്കുന്ന അവഗണനക്കെതിരെ വലിയ രീതിയിലുള്ള പ്രതിഷേധമാണ് പരിപാടികളില്‍ കണ്ടത്. 32 വര്‍ഷമായി പൊതുമേഖലയില്‍ വളരെ ലാഭകരമായി പ്രവര്‍ത്തിച്ചു വരുന്ന കോഴിക്കോട് അന്താരാഷ്ട്ര വിമാനത്താവളത്തിലെ അന്താരാഷ്ട്ര വിമാന സര്‍വീസുകള്‍ പുനരാരംഭിക്കുക, റണ്‍വേ നീളം വര്‍ധിപ്പിക്കുക, ഇമാസ് സ്ഥാപിക്കുക, വിമാനങ്ങളുടെ പാര്‍ക്കിംഗ് സൗകര്യം വര്‍ധിപ്പിക്കുന്നതിന് ഏപ്രണ്‍ വീതി കൂട്ടുക, ഡൊമെസ്റ്റിക് സൗത്ത് ഈസ്റ്റ് ഏഷ്യന്‍ കണക്റ്റിവിറ്റി ഏര്‍പ്പെടുത്തുക തുടങ്ങിയ കാര്യങ്ങള്‍ ചെയ്യുന്നതില്‍ ബന്ധപ്പെട്ടവര്‍ കാണിക്കുന്ന കാലതാമസം ഒഴിവാക്കണം. എല്ലാ വലിയ വിമാനങ്ങള്‍ക്ക് ഡി ജി സി എ, ഐ സി എ ഒ എന്നീ ഏജന്‍സികളുടെ മുഴുവന്‍ മാര്‍ഗ നിര്‍ദ്ദേശങ്ങളും പാലിക്കുന്ന എയര്‍പോര്‍ട്ടില്‍ കഴിഞ്ഞ മാസം നടന്ന വിമാനാപകടത്തിന്റെ പേരില്‍ മാത്രം അനുമതി നിഷേധിക്കുന്നത് നീതീകരിക്കാനാവില്ല.
കുവൈത്തില്‍ നടന്ന ബഹുജന സംഗമം നാഷണല്‍ പ്രസിഡന്റ് അബ്ദുല്‍ ഹകീം ദാരിമിയുടെ അധ്യക്ഷതയില്‍ എസ് വൈ എസ് ജനറല്‍ സെക്രട്ടറി മജീദ് കക്കാട് ഉദ്ഘാടനം ചെയ്തു. അബൂബക്കര്‍ മാസ്റ്റര്‍ പടിക്കല്‍ മുഖ്യ പ്രഭാഷണം നിര്‍വഹിച്ചു. വിവിധ സംഘടനകളെ പ്രതിനിധീകരിച്ച് സുരേഷ് മാത്തൂര്‍, അസീസ് തിക്കോടി, ബഷീര്‍ ബാത്ത, അബ്ദുല്ല വടകര, ശിഹാബ് വാരം സംസാരിച്ചു.
സൗദിയില്‍ നടന്ന ബഹുജന സംഗമം എസ് വൈ എസ് സംസ്ഥാന സെക്രട്ടറി മുഹമ്മദ് പറവൂര്‍ ഉദ്ഘാടനം ചെയ്തു. സയ്യിദ് ഹബീബ് അല്‍ ബുഖാരി, എം ഡി എഫ് പ്രസിഡന്റ് കെ എം ബഷീര്‍, ശരീഫ് കാരശ്ശേരി, വി.കെ റഊഫ്, അസ്ലം പാലത്ത്, കബീര്‍ കോണ്ടോട്ടി, കബീര്‍ കൊണ്ടോട്ടി, മുജീബ് എ ആര്‍ നഗര്‍, ബഷീര്‍ എറണാകുളം, മന്‍സൂര്‍ പള്ളൂര് തുടങ്ങിയവര്‍ സംബന്ധിച്ചു. സിറാജ് കുറ്റ്യാടി സ്വാഗതവും മുഹമ്മദലി വേങ്ങര നന്ദിയും പറഞ്ഞു.
യുഎഇയില്‍ സംഘടിപ്പിച്ച ബഹുജന സംഗമം എം കെ രാഘവന്‍ എം പി ഉദ്ഘാടനം ചെയ്തു. സിഎംഎ കബീര്‍ മാസ്റ്റര്‍ അദ്ധ്യക്ഷത വഹിച്ചു. സംഗമം, മുഹമ്മദ് പറവൂര്‍ (എസ് വൈ എസ്) ഡോ. പുത്തൂര്‍ റഹ്മാന്‍ (കെഎംസിസി), മുഹമ്മദലി പുന്നക്കന്‍ (ഇന്‍കാസ്), കുഞ്ഞാവുട്ടി കാദര്‍ സാഹിബ് (ഐഎംസിസി), അനൂപ് കീച്ചേരി (മീഡിയ), കെ എം ബഷീര്‍ (എംഡിഎഫ്), അഡ്വ. മുഹമ്മദ് സാജിദ് (മലബാര്‍ പ്രവാസി), നിസാര്‍ സഖാഫി (ഐസിഎഫ്) തുടങ്ങിയവര്‍ പ്രസംഗിച്ചു.
ഖത്വര്‍ നാഷണല്‍ ബഹുജന സംഗമം എസ് വൈ എസ് സംസ്ഥാന സെക്രട്ടറി അബൂബക്കര്‍ മാസ്റ്റര്‍ പടിക്കല്‍ ഉദ്ഘാടനം ചെയ്തു. കോയ കൊണ്ടോട്ടി (കെ എം സി സി) ശ്രീനാഥ് ശങ്കരന്‍ കുട്ടി (സംസ്‌കൃതി), അബ്ദുല്‍ റഊഫ് കൊണ്ടോട്ടി (ഗപാഖ് ഓര്‍ഗനൈസിങ്ങ് സെക്രട്ടറി), അന്‍വര്‍ സാദത്ത് (ഇന്‍കാസ്) പറവണ്ണ അബ്ദുറസാഖ് മുസ്ലിയാര്‍, കരീം ഹാജി മേമുണ്ട, ഹമീദ് ഈശ്വരമംഗലം, ശരീഫ് കാരശ്ശേരി, സലീം അംജദി ബഷീര്‍ പുത്തുപ്പാടം, ഉമര്‍ കുണ്ടുതോട്, ജമാല്‍ അസ്ഹരി പ്രസംഗിച്ചു.
ബഹ്‌റൈനില്‍ നടന്ന ബഹുജന സംഗമം എസ് വൈ എസ് സംസ്ഥാന സെക്രട്ടറി അബൂബക്കര്‍ മാസ്റ്റര്‍ പടിക്കല്‍ ഉല്‍ഘാടനം ചെയ്തു. സൈനുദ്ധീന്‍ സഖാഫി അധ്യക്ഷത വഹിച്ചു. ബഷീര്‍ അമ്പലായി (ബി കെ എസ് എഫ് ), അനസ് യാസീന്‍ കൊണ്ടോട്ടി (മാധ്യമ പ്രവര്‍ത്തകന്‍), രാജീവന്‍ വെള്ളിക്കോത്ത് (റേഡിയോ രംഗ് ), ഗഫൂര്‍ കൈപ്പമംഗലം (കെ എം സി സി), മുജീബ് എ ആര്‍ നഗര്‍, ശരീഫ് കാരശ്ശേരി, അബൂബക്കര്‍ ലത്തീഫി, എം.സി. അബ്ദുല്‍കരീം ഹാജി, ശംസുദ്ധീന്‍ പൂക്കയില്‍ പ്രസംഗിച്ചു.
Latest
തെരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന്‍ പുലര്‍ച്ചെ കാറിടിച്ച് മരിച്ചു
കേരളത്തില്‍ ഉയര്‍ന്ന താപനില തുടരുന്നു; പാലക്കാട് ഉഷ്ണതരംഗ മുന്നറിയിപ്പ്
കേരളത്തില്‍ ഇന്നു നിശ്ശബ്ദ പ്രചാരണം; നാളെ ബൂത്തിലേക്ക്
മതത്തിന്റെ പേരില്‍ വോട്ടു തേടല്‍; നരേന്ദ്ര മോദിക്ക് ക്ലീന്‍ ചിറ്റ് നല്‍കി തെരഞ്ഞെടുപ്പ് കമ്മീഷന്‍
ചുഴിയില്‍ കരുതല്‍;വോട്ടില്‍ കണ്ണ്‌
വയനാട്ടില്‍ വോട്ട് പിടിക്കാന്‍ ഭക്ഷ്യ കിറ്റുകള്‍; പോലീസ് പിടികൂടി
