പ്രീമെട്രിക് സ്‌കോളര്‍ഷിപ്പ്: ഒ ബി സി വിഭാഗം വിദ്യാര്‍ഥികള്‍ക്ക് അപേക്ഷിക്കാം

Posted on: September 25, 2020 8:53 am | Last updated: September 25, 2020 at 8:56 am

തിരുവനന്തപുരം | സംസ്ഥാനത്തെ സര്‍ക്കാര്‍/എയ്ഡഡ് സ്‌കൂളുകളില്‍ ഒന്ന് മുതല്‍ 10 വരെ ക്ലാസുകളില്‍ പഠിക്കുന്ന ഒ ബി സി വിഭാഗത്തില്‍ പെട്ട വിദ്യാര്‍ഥികളില്‍ നിന്ന് പ്രീമെട്രിക് സ്‌കോളര്‍ഷിപ്പിന് അപേക്ഷ ക്ഷണിച്ചു. കുടുംബ വാര്‍ഷിക വരുമാനം 2.5 ലക്ഷം രൂപയില്‍ അധികരിക്കാത്തവരാണ് അപേക്ഷിക്കേണ്ടത്.

അപേക്ഷാ ഫോമിന്റെ മാതൃകയും വിജ്ഞാപനവും www.bcdd.kerala.gov.in എന്ന സൈറ്റില്‍ ലഭിക്കും. അപേക്ഷ ലഭിക്കേണ്ട അവസാന തീയതി സെപ്തംബര്‍ 30. സ്‌കൂള്‍ അധികൃതര്‍ ഒക്ടോബര്‍ 15 നകം www.egrantz.kerala.gov.in പോര്‍ട്ടലില്‍ ഡാറ്റാ എന്‍ട്രി നടത്തണം.