Covid19
കുത്തിവെപ്പ് എടുത്തയാള്‍ക്ക് അജ്ഞാത രോഗം; ഓക്‌സ്‌ഫോര്‍ഡ് കൊവിഡ് വാക്‌സിന്‍ പരീക്ഷണം നിര്‍ത്തി
ലണ്ടന്‍ | ഓക്‌സ്‌ഫോര്‍ഡ് യൂനിവേഴ്‌സിറ്റിയും അസ്ട്രസെനെകെ ഫാര്‍മസ്യൂട്ടിക്കല്‍സും ചേര്‍ന്ന് നിര്‍മിക്കുന്ന കൊവിഡ് വാക്‌സിന്റെ പരീക്ഷണം തത്കാലം നിര്‍ത്തിവെച്ചു. വാക്‌സിന്‍ കുത്തിവെച്ച ആരോഗ്യപ്രവര്‍ത്തകന് അജ്ഞാത രോഗം പിടിപെട്ടതായി ശ്രദ്ധയില്‍പെട്ടതിനെ തുടര്‍ന്നാണിത്. മരുന്നിന്റെ പാര്‍ശ്വഫലം മൂലമാണോ ആരോഗ്യപ്രവര്‍ത്തകന് രോഗമുണ്ടായതെന്ന സംശയമാണ് പരീക്ഷണം നിര്‍ത്താന്‍ കാരണം.
വാക്‌സിന്‍ പരീക്ഷണ ഘട്ടത്തില്‍ അസ്വാഭാവികമായി വല്ലതും ശ്രദ്ധയില്‍പെട്ടാല്‍ പരീക്ഷണം നിര്‍ത്തുന്നത് പതിവ് സംഭവമാണെന്നും അത് സംബന്ധിച്ച് വിശദമായി അന്വേഷണം നടത്തുമെന്നും അസ്ട്രാസെനക വക്താവ് പറഞ്ഞു. പരീക്ഷണത്തിന്റെ വിശ്വാസ്യത ഉറപ്പ് വരുത്തുമെന്നും അദ്ദേഹം വ്യക്തമാക്കി.
രോഗിയെ കുറിച്ചുള്ള വിവരങ്ങളോ രോഗത്തെ സംബന്ധിച്ച കാര്യങ്ങളോ കമ്പനി പുറത്തുവിട്ടിട്ടില്ല. വിവിധ സ്ഥലങ്ങളിലായി 30000ല്‍ അധികം ആരോഗ്യപ്രവര്‍ത്തകരെ വാക്‌സിന്‍ പരീക്ഷണത്തിനായി അണിനിരത്താനുള്ള ശ്രമത്തിനിടെയാണ് തിരിച്ചടി നേരിട്ടത്. ജൂലൈ 20നാണ് ഓക്‌സ്‌ഫോര്‍ഡ് യൂനിവേഴ്‌സിറ്റിയുടെ സഹകരണത്തോടെ വാക്‌സിന്‍ വികസിപ്പിച്ചത്. 2021 ജനുവരിയോടെ വാക്‌സിന്‍ വിപണിയില്‍ ഇറക്കാനാകുമെന്നായിരുന്നു പ്രതീക്ഷ.
Latest
ലോക്‌സഭാ തിരഞ്ഞെടുപ്പ്: വിധിയെഴുതാന്‍ കേരളം ഇന്ന് ബൂത്തിലേക്ക്
'അബ്ഷിര്‍ പ്ലാറ്റ്‌ഫോം'; നടന്നത് 25,00000 ത്തിലധികം ഇലക്ട്രോണിക് ഇടപാടുകള്‍
ജമൈക്ക ഫലസ്തീന്‍ രാഷ്ട്രത്തെ അംഗീകരിച്ചു; സ്വാഗതം ചെയ്ത് അറബ് പാര്‍ലിമെന്റ്
ഈജിപ്ഷ്യന്‍ തൊഴിലാളികള്‍ക്കുള്ള വിസ വീണ്ടും നിര്‍ത്തിവെച്ച് കുവൈത്ത്
വിദ്വേഷം പരത്തി വോട്ട് നേടാന്‍ ശ്രമം; മോദിയുടെ പ്രസംഗത്തിനെതിരെ രൂക്ഷ വിമര്‍ശനവുമായി ലത്തീന്‍ സഭാ മുഖപത്രം
പാലക്കാട്ട് റെക്കോര്‍ഡ് ചൂട്; ഇന്ന് രേഖപ്പെടുത്തിയത് 41.2 ഡിഗ്രി
