സംസ്ഥാനത്ത് ഇന്ന് 1,758 പേര്‍ക്ക് കൊവിഡ്; സമ്പര്‍ക്കത്തിലൂടെ രോഗബാധിതരായത് 1,641 പേര്‍

തിരുവനന്തപുരം | സംസ്ഥാനത്ത് 1,758 പേര്‍ക്കു കൂടി കൊവിഡ് സ്ഥിരീകരിച്ചു. തിരുവനന്തപുരം- 489, മലപ്പുറം- 242, എറണാകുളം- 192, കോഴിക്കോട്- 147, ആലപ്പുഴ- 126, കണ്ണൂര്‍- 123, കോട്ടയം- 93, കൊല്ലം- 88, പത്തനംതിട്ട- 65, പാലക്കാട്- 51, തൃശൂര്‍- 48, വയനാട്- 47, കാസര്‍കോട്- 42, ഇടുക്കി- 5 എന്നിങ്ങനെയാണ് രോഗബാധിതരായവരുടെ ജില്ല തിരിച്ചുള്ള കണക്ക്.

ഇന്ന് ആറ് മരണങ്ങളും കൊവിഡ് മൂലമാണെന്ന് സ്ഥിരീകരിച്ചു. ആഗസ്റ്റ് എട്ടിന് മരണമടഞ്ഞ പാലക്കാട് വിളയൂര്‍ സ്വദേശിനി പാത്തുമ്മ (76), ആഗസ്റ്റ് 11ന് മരിച്ച വയനാട് കാരക്കാമല സ്വദേശി മൊയ്തു (59), ആഗസ്റ്റ് 12ന് മരണപ്പെട്ട കോഴിക്കോട് ചേവായൂര്‍ സ്വദേശിനി കൗസു (65), ആഗസ്റ്റ് 15ന് മരണമടഞ്ഞ കോഴിക്കോട് ബേപ്പൂര്‍ സ്വദേശിനി രാജലക്ഷ്മി (61), ആഗസ്റ്റ് 16ന് മരിച്ച തിരുവനന്തപുരം കൊല്ലപ്പുറം സ്വദേശിനി വിജയ (32), ആഗസ്റ്റ് രണ്ടിന് മരണപ്പെട്ട തിരുവനന്തപുരം സ്വദേശി സത്യന്‍ (54) എന്നിവരുടെ പരിശോധനാ ഫലം കൊവിഡ് പോസിറ്റീവാണെന്ന് എന്‍ ഐ വി ആലപ്പുഴ സ്ഥിരീകരിച്ചു. ഇത് കൂടാതെ ഉണ്ടായ മരണങ്ങള്‍ എന്‍ ഐ വി ആലപ്പുഴയിലെ പരിശോധനക്കു ശേഷം സ്ഥിരീകരിക്കുന്നതാണ്. ഇതോടെ, സംസ്ഥാനത്ത് കൊവിഡ് ബാധിച്ച് മരിക്കുന്നവരുടെ ആകെ മരണം 175 ആയി.

ഇന്ന് രോഗം സ്ഥിരീകരിച്ചവരില്‍ 39 പേര്‍ വിദേശത്തു നിന്നും 42 പേര്‍ ഇതര സംസ്ഥാനങ്ങളില്‍ നിന്നും വന്നതാണ്. 1,641 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. ഇതില്‍ 81 പേരുടെ സമ്പര്‍ക്ക ഉറവിടം വ്യക്തമല്ല. തിരുവനന്തപുരം- 476, മലപ്പുറം- 220, എറണാകുളം- 173 പേര്‍ക്കും, കോഴിക്കോട്- 146, ആലപ്പുഴ- 117 , കണ്ണൂര്‍- 111, കൊല്ലം, കോട്ടയം- 86 പേര്‍ വീതം, പത്തനംതിട്ട- 52, പാലക്കാട്, വയനാട്- 44 പേര്‍ വീതം, തൃശൂര്‍- 42, കാസര്‍കോട്- 40, ഇടുക്കി- 4 എന്നിങ്ങനെയാണ് സമ്പര്‍ക്കത്തിലൂടെ രോഗം ബാധിച്ചത്. രോഗം സ്ഥിരീകരിച്ചവരില്‍ 25 ആരോഗ്യ പ്രവര്‍ത്തകരും ഉള്‍പ്പെടും. തിരുവനന്തപുരം- 10, മലപ്പുറം- 6, എറണാകുളം- 4, പാലക്കാട്- 3, തൃശൂര്‍, കണ്ണൂര്‍- ഒന്നു വീതം ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്. എറണാകുളം ജില്ലയിലെ 11 ഐ എന്‍ എച്ച് എസ് ജീവനക്കാര്‍ക്കും രോഗം ബാധിച്ചു

രോഗം സ്ഥിരീകരിച്ച് ചികിത്സയിലായിരുന്ന 1,365 പേരുടെ പരിശോധനാ ഫലം നെഗറ്റീവ് ആയി. തിരുവനന്തപുരം- 310, കൊല്ലം- 54, പത്തനംതിട്ട- 29, ആലപ്പുഴ- 65, കോട്ടയം- 48, ഇടുക്കി- 59, എറണാകുളം- 64, തൃശൂര്‍- 33, പലക്കാട്- 82, മലപ്പുറം- 194, കോഴിക്കോട്- 195, വയനാട്- 46, കണ്ണൂര്‍- 61 , കാസര്‍കോട്- 125 എന്നിങ്ങനെ ഇന്ന് കൊവിഡ് മുക്തരായവരുടെ ജില്ല തിരിച്ചുള്ള കണക്ക്. 16,274 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 31,394 പേര്‍ ഇതുവരെ രോഗമുക്തി നേടി.

സംസ്ഥാനത്തെ വിവിധ ജില്ലകളിലായി 1,65,564 പേരാണ് ഇപ്പോള്‍ നിരീക്ഷണത്തിലുള്ളത്. ഇതില്‍ 1,51,931 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 13,633 പേര്‍ ആശുപത്രികളിലുമാണ്. 1,583 പേരെയാണ് ഇന്ന് മാത്രം ആശുപത്രിയില്‍ പ്രവേശിപ്പിച്ചത്. കഴിഞ്ഞ 24 മണിക്കൂറിനിടെ 29,265 സാമ്പിളുകളാണ് പരിശോധിച്ചത്. റുട്ടീന്‍ സാമ്പിള്‍, എയര്‍പോര്‍ട്ട് സര്‍വയിലന്‍സ്, പൂള്‍ഡ് സെന്റിനല്‍, സിബി നാറ്റ്, ട്രൂനാറ്റ്, സി എല്‍ ഐ എ, ആന്റിജെന്‍ അസ്സെ എന്നിവ ഉള്‍പ്പെടെ ഇതുവരെ ആകെ 12,40,076 സാമ്പിളുകളാണ് പരിശോധനക്കായി അയച്ചത്. സെന്റിനല്‍ സര്‍വൈലന്‍സിന്റെ ഭാഗമായി ആരോഗ്യ പ്രവര്‍ത്തകര്‍, അതിഥി തൊഴിലാളികള്‍, സാമൂഹിക സമ്പര്‍ക്കം കൂടുതലുള്ള വ്യക്തികള്‍ മുതലായ മുന്‍ഗണനാ ഗ്രൂപ്പുകളില്‍ നിന്ന് 1,51,714 സാമ്പിളുകളും പരിശോധനക്കയച്ചു.

.