സര്‍ക്കാര്‍ ജീവനക്കാര്‍ക്ക് 4,000 രൂപ ഓണക്കാല ബോണസ്; ഉത്സവ ബത്ത 2,750

തിരുവനന്തപുരം | സംസ്ഥാനത്തെ സര്‍ക്കാര്‍ ജീവനക്കാര്‍ക്കും അധ്യാപകര്‍ക്കും ഓണക്കാലത്ത് ബോണസ് ആയി 4000 രൂപയും ഉത്സവ ബത്തയായി 2750 രൂപയും നല്‍കാന്‍ സര്‍ക്കാര്‍ തീരുമാനം. അഡ്വാന്‍സ് ആയി 15,000 രൂപയും നല്‍കും. 27,360 രൂപ വരെ ശമ്പളമുള്ളവര്‍ക്കാണ് 4000 രൂപ ബോണസ് ആയി ലഭിക്കുക. ബോണസ് പരിധിയുടെ പുറത്തുള്ളവര്‍ക്കാണ് ഉത്സവ ബത്ത. 1000 രൂപ മുതല്‍ 2750 രൂപ വരെയാണ് ബത്ത.

എല്ലാ ജീവനക്കാര്‍ക്കും അഡ്വാന്‍സ് ആയി 15,000 രൂപ ലഭിക്കും. എന്നാല്‍, ഇത് അഞ്ച് തുല്യ മാസ ഗഡുക്കളായി ഒക്ടോബര്‍ മാസം മുതലുള്ള ശമ്പളത്തില്‍ നിന്ന് തിരിച്ചുപിടിക്കും.