Gulf
സജീവ സുന്നി പ്രവര്‍ത്തകന്‍ സഫീര്‍ നിര്യാതനായി
ദുബൈ | ദുബൈയിലെ സജീവ സുന്നി പ്രവര്‍ത്തകന്‍ ചൊക്ലി മോന്താല്‍ പറമ്പത്ത് സഫീര്‍ (32) നിര്യാതനായി. അസുഖ ബാധിതനായതിനെ തുടര്‍ന്ന് മാവൂര്‍ എം വി ആര്‍ കാന്‍സര്‍ സെന്ററില്‍ ചികിത്സയിലായിരുന്നു. പ്രാസ്ഥാനിക രംഗത്തും സാമൂഹിക രംഗത്തും നിറഞ്ഞു നിന്ന് പ്രവര്‍ത്തിക്കുകയായിരുന്ന സഫീറിന്റെ നിര്യാണം സഹപ്രവര്‍ത്തകരിലും സുഹൃത്തുക്കളിലും വലിയ വേദനയാണ് പടര്‍ത്തിയത്.
ദേര കേന്ദ്രീകരിച്ചായിരുന്നു അദ്ദേഹത്തിന്റെ പ്രവര്‍ത്തനങ്ങള്‍. ഐ സി എഫ്, ആര്‍ എസ് സി, മഅദിന്‍, സിറാജുല്‍ ഹുദാ തുടങ്ങിയ സംഘടനാ സ്ഥാപന കമ്മിറ്റികളില്‍ സജീവമായി പ്രവര്‍ത്തിച്ചിരുന്ന അദ്ദേഹത്തെക്കുറിച്ച് നന്മ നിറഞ്ഞ ഓര്‍മകളാണ് സഹ പ്രവര്‍ത്തകര്‍ക്ക് പങ്കുവെക്കാനുള്ളത്.
എസ് എസ് എഫ് തലശ്ശേരി ഡിവിഷന്‍ സെക്രട്ടറിയായും മോന്താല്‍ ജുമുഅത്ത് പള്ളി, ഒളഖിലം മോന്താല്‍ മഹല്‍, എസ് വൈ എസ് മോന്താല്‍ എന്നിവയില്‍ പ്രധാന ഭാരവാഹി ആയും പ്രവര്‍ത്തിച്ചിരുന്നു.പിതാവ്: പരേതനായ മുഹമ്മദ്. മാതാവ്: സൈനബ. ഭാര്യ: റാഹില. മക്കളില്ല. സഹോദരങ്ങള്‍: അശ്‌റഫ്, ഫജ്‌റുദ്ദീന്‍ ഇസ്മാഈല്‍, ശംസുദ്ദീന്‍, പരേതനായ മുസ്തഫ.
സഫീര്‍ മോന്താലിന്റെ നിര്യാണത്തില്‍ കാന്തപുരം എ പി അബൂബക്കര്‍ മുസ്ലിയാര്‍, സയ്യിദ് ഇബ്റാഹീം ഖലീലുല്‍ ബുഖാരി, പേരോട് അബ്ദുറഹ്മാന്‍ സഖാഫി, ഐ സി എഫ്, ആര്‍ എസ് സി ദുബൈ കമ്മിറ്റികള്‍ അനുശോചനം അറിയിക്കുകയും പ്രാര്‍ഥിക്കാന്‍ അഭ്യര്‍ഥിക്കുകയും ചെയ്തു.
Latest
അശ്ലീല വീഡിയോകളില്‍ കുട്ടികളെ ഉപയോഗിക്കുന്നത് കുറ്റകരം; സുപ്രീംകോടതി
രാഹുലിന് പക്വത ഇല്ലെങ്കില്‍ കോണ്‍ഗ്രസിലെ അറിവുള്ള നേതാക്കള്‍ ഉപദേശിച്ചുകൊടുക്കണം ; ഇപി ജയരാജന്‍
എഐസിസി സെക്രട്ടറി തജീന്ദര്‍ സിങ്ങ് ബിട്ടു ബിജെപിയില്‍ ചേര്‍ന്നു
നുണക്ക് സമ്മാനമുണ്ടെങ്കിൽ ഒന്നാം സ്ഥാനം പ്രതിപക്ഷനേതാവിന്; മുഖ്യമന്ത്രി പിണറായി വിജയന്‍
അമേഠിക്ക് ശേഷം കോണ്‍ഗ്രസിന്റെ രാജകുമാരന്‍ വയനാട്ടിലും തോല്‍ക്കും; മറ്റൊരു മണ്ഡലം തേടിപ്പോകും: നരേന്ദ്ര മോദി
കോഴിക്കോട് പെരുവയലില്‍ വീട്ടിലെ വോട്ടില്‍ ക്രമക്കേടെന്ന് പരാതി
