Kerala
ബിഷപ്പ് മാര് മാത്യു ആനിക്കുഴിക്കാട്ടില് അന്തരിച്ചു
ഇടുക്കി | സിറോ മലബാര് സഭ ഇടുക്കി രൂപതയുടെ പ്രഥമ മെത്രാനായിരുന്ന ബിഷപ്പ് മാര് മാത്യു ആനിക്കുഴിക്കാട്ടില് അന്തരിച്ചു. 78 വയസായിരുന്നു.2003 മുതല് 2018 വരെ 15 വര്ഷം ഇടുക്കി രൂപത അധ്യക്ഷന് ആയിരുന്നു ഇടുക്കിയിലെ ഭൂസമരങ്ങള്ക്ക് നേതൃത്വം നല്കിയ അദ്ദേഹം ഹൈറേഞ്ച് സംരക്ഷണ സമിതിയുടെ രക്ഷാധികാരി ആയിരുന്നു. ഇടുക്കിയിലെ കുടിയേറ്റ കര്ഷകര്ക്കായി മണ്ണിന്റെ മക്കള് വാദവുമായി പരസ്യമായി രംഗത്തിറങ്ങിയും ഗാഡ്കില്, കസ്തൂരിരംഗന് റിപ്പോര്ട്ടുകള്ക്കെതിരെ പരസ്യമായി നിര്ണായക നിലപാടുകളെടുത്തും ശ്രദ്ധേയനായിരുന്നു .
വൃക്കരോഗത്തെ തുടര്ന്ന് ചികിത്സയില് ഇരിക്കെ പുലര്ച്ച കോലഞ്ചേരി ആശുപത്രിയിലായിരുന്നു അന്ത്യം. ഭൗതിക ശരീരം മൂവാറ്റുപുഴ നിര്മ്മല മെഡിക്കല് സെന്ററില് സൂക്ഷിച്ചിരിക്കുകയാണ്.
---- facebook comment plugin here -----