'ഞങ്ങളുണ്ട് കൂടെ. ഈ രാജ്യത്ത് നാമെല്ലാം ഒന്നിച്ച് ജീവിക്കും'

അപ്രതീക്ഷിതമായിട്ടാണ് ആ വിളി വന്നത്. ഹിന്ദ് സഫർ ഉത്തർപ്രദേശ് തലസ്ഥാനമായ ലക്നൗവിലെത്തിയപ്പോൾ സ്വീകരിക്കാനുണ്ടായിരുന്ന, അന്നാട്ടിലെ സാമൂഹിക രംഗത്തെ നിറസാന്നിദ്ധ്യമായ സ്വാമി സാരംഗ് ആണ് വിളിച്ചത്.

അദ്ദേഹം കൈമാറിയ സന്ദേശം ഇതാണ്, “ഞങ്ങളുണ്ട് കൂടെ. ഈ രാജ്യത്ത് നാമെല്ലാം ഒന്നിച്ച് ജീവിക്കും. ഒരു നിലക്കും ആശങ്കപ്പെടേണ്ടതില്ല.”

അദ്ദേഹത്തിന്റെ വാക്കുകളിൽ തികഞ്ഞ ആത്മാർത്ഥത പ്രകടമായിരുന്നു. രാജ്യം എത്തിപ്പെട്ടിരിക്കുന്ന പരിതാപാവസ്ഥയിൽ വേദനിക്കുന്ന സ്വാമിജിയെപ്പോലുള്ളവരാണ് യഥാർത്ഥ ഹിന്ദുക്കൾ. അവരാണ് ഭാരത മണ്ണിൽ ബഹു ഭുരിപക്ഷവും.