Kerala
അടൂര് ഗോപാലകൃഷ്ണനെതിരായ സംഘ്പരിവാര് ഭീഷണി അതിശക്തമായി ചെറുക്കണം: മുഖ്യമന്ത്രി
തിരുവനന്തപുരം: ചലച്ചിത്ര സംവിധായകന് അടൂര് ഗോപാലകൃഷ്ണനെതിരായ സംഘ്പരിവാര് ഭീഷണി പ്രതിഷേധാര്ഹവും അപലപനീയവുമാണെന്ന് മുഖ്യമന്ത്രി പിണറായി വിജയന്. വിയോജനാഭിപ്രായമുള്ളവരെ നാട്ടില് നിന്ന് പുറത്താക്കാമെന്ന ധാരണ ആര്ക്കും വേണ്ട. ആ വഴിക്കുള്ള നീക്കങ്ങള് ഇവിടെ അനുവദിക്കുന്ന പ്രശ്നമേയില്ല. കേരളത്തിന്റെ യശസ്സ് സാര്വ്വദേശീയ തലത്തില് ഉയര്ത്തിയ ചലച്ചിത്രകാരനാണ് അടൂര് ഗോപാലകൃഷ്ണന്.
അങ്ങനെയുള്ള ഒരു വ്യക്തിക്കെതിരെ അസഹിഷ്ണുതയോടെയുള്ള നീക്കമുണ്ടാകുമ്പോള് അതിനെ സാംസ്കാരിക സമൂഹം അതിശക്തമായി ചെറുക്കേണ്ടതുണ്ടെന്നും പ്രതിഷേധിക്കണമെന്നും മുഖ്യമന്ത്രി പറഞ്ഞു.
---- facebook comment plugin here -----