ലക്ഷദ്വീപിൽ നിന്നുള്ള ഹജ്ജ് തീർഥാടകർക്ക് സ്വീകരണം

Posted on: July 12, 2019 8:22 am | Last updated: July 12, 2019 at 3:22 pm
ഹജ്ജ് കർമത്തിന് പുറപ്പെടുന്ന ലക്ഷദ്വീപിൽ നിന്നുള്ള സംഘത്തെ കൊച്ചിയിൽ സ്വീകരിക്കുന്നു

കൊച്ചി: ഈ വർഷത്തെ ഹജ്ജ് കർമത്തിന് പുറപ്പെട്ട ലക്ഷദ്വീപിൽ നിന്നുള്ള തീർഥാടകർക്ക് കൊച്ചിയിൽ ഊഷ്മള വരവേൽപ്പ്. ജോൺ ഫെർണാണ്ടസ് എം എൽ എ, മുൻ എം എൽ എ. എ എം യൂസുഫ്, ലക്ഷദ്വീപ് എക്‌സിക്യൂട്ടീവ് ഓഫീസർ മുത്തുക്കോയ, നെടുമ്പാശ്ശേരി ഹജ്ജ് ക്യാമ്പ് ഓഫീസർ എൻ പി ഷാജഹാൻ എന്നിവരുടെ നേതൃത്വത്തിലാണ് തീർഥാടകരെ കൊച്ചി തുറമുഖത്ത് സ്വീകരിച്ചത്.

ലക്ഷദ്വീപിൽ നിന്ന് 342 പേരാണ് ഈ വർഷം സംസ്ഥാന ഹജ്ജ് കമ്മിറ്റി വഴി യാത്രയാകുന്നത്. മൂന്ന് കപ്പലുകളിലായാണ് ഇവർ എത്തിയത്. 14ന് 2.05ന് നെടുമ്പാശ്ശേരി എംബാർക്കേഷൻ പോയിന്റിൽ നിന്നാണ് ഇവർ യാത്രയാകുന്നത്. നാളെ ഇവർ നെടുമ്പാശ്ശേരി ഹജ്ജ് ക്യാമ്പിലെത്തും. എറണാകുളത്തെ വിവിധ ഹോട്ടലുകളിലാണ് ഇവർക്ക് താമസ സൗകര്യം ഒരുക്കിയിരിക്കുന്നത്.