National
കൃഷ്ണമൃഗത്തെ വേട്ടയാടി കൊന്ന കേസ്: സല്‍മാന്‍ ഖാന് അഞ്ച് വര്‍ഷം തടവ്
ജോധ്പൂര്‍: കൃഷ്ണമൃഗത്തെ വേട്ടയാടി കൊന്ന കേസില്‍ ബോളിവുഡ് നടന്‍ സല്‍മാന്‍ ഖാന് അഞ്ച് വര്‍ഷം തടവും 10,000 രൂപ പിഴയും വിധിച്ചു. ജോധ്പൂര്‍ ചീഫ് ജുഡീഷ്യല്‍ മജിസ്‌ട്രേറ്റ് കോടതിയാണ് ശിക്ഷ വിധിച്ചത്. സല്‍മാനെ ഇന്ന് തന്നെ ജോധ്പുര്‍ സെന്‍ട്രല്‍ ജയിലിലേക്കു മാറ്റും. വിധിക്കെതിരെ മേല്‍ക്കോടതിയില്‍ അപ്പീല്‍ പോകുമെന്ന് സല്‍മാന്‍ ഖാന് പറഞ്ഞു. കുറഞ്ഞ ശിക്ഷ നല്‍കണമെന്ന് സല്‍മാന്‍ കോടതിയോട് ആവശ്യപ്പെട്ടിരുന്നു.
സല്‍മാന്‍ ഖാന് കുറ്റക്കാരനാണെന്ന് കണ്ടെത്തിയ കോടതി കേസിലെ മറ്റ് പ്രതികളായ സെയ്ഫ് അലി ഖാന്, തബു, സൊനാലി ബിന്ദ്ര, നീലം തുടങ്ങിയവരെ വെറുതെ വിട്ടിരുന്നു. സംശയത്തിന്റെ ആനുകൂല്യത്തിലാണ് കൂട്ടുപ്രതികളെ വെറുതെ വിട്ടത്. വിധി കേള്‍ക്കാന്‍ സല്‍മാന്‍ ഖാന് കോടതിയിലെത്തിയിരുന്നു.
1998 ഒക്ടോബര്‍ ഒന്നിന് ഹം സാത്ത് സാത്ത് ഹേ എന്ന സിനിമയുടെ ഷൂട്ടിംഗിനിടെ ജോധ്പൂരിലെ ഗോധ ഫാമില്‍ രണ്ട് കൃഷ്ണ മാനുകളെ സല്‍മാന്‍ ഖാന് വെടിവെച്ച് കൊലപ്പെടുത്തിയെന്നാണ് കേസ്. സംഭവം നടക്കുന്ന സമയത്ത് സല്‍മാനൊപ്പം വാഹനത്തില്‍ ഉണ്ടായിരുന്നവരാണ് കൂട്ടു പ്രതികള്‍. കേസില്‍ കഴിഞ്ഞ മാസം 28 നാണ് വിചാരണ കോടതിയില്‍ വാദം പൂര്‍ത്തിയായത്.
Latest
നിമിഷ പ്രിയയുടെ വധശിക്ഷ സ്റ്റേ ചെയ്തു; ചർച്ചകൾക്ക് പുതിയ മധ്യസ്ഥൻ: കേന്ദ്രം സുപ്രീം കോടതിയിൽ
വെടിനിർത്തൽ നിലനിൽക്കെ ഗസ്സയിൽ ഇസ്റാഈൽ ആക്രമണം; മൂന്ന് പേർ കൊല്ലപ്പെട്ടു; റഫ ക്രോസിംഗ് തുറക്കുന്നത് വൈകുന്നു
ശബരിമല സ്വർണക്കൊള്ള: മുഖ്യപ്രതി ഉണ്ണിക്കൃഷ്ണൻ പോറ്റി കസ്റ്റഡിയിൽ; രഹസ്യ കേന്ദ്രത്തിൽ ചോദ്യം ചെയ്യൽ
രാജ്യത്ത് കാട്ടാനകളുടെ എണ്ണത്തിൽ കുറവ്; ഡിഎൻഎ അടിസ്ഥാനമാക്കിയുള്ള സർവേ റിപ്പോർട്ട് പുറത്ത്
പാലക്കാട്ടെ ഒന്‍പതാം ക്ലാസുകാരന്റെ മരണം; ക്ലാസ് ടീച്ചര്‍ക്കും പ്രധാനാധ്യാപികക്കും സസ്‌പെന്‍ഷന്‍
പോത്തുണ്ടി സജിത കൊലക്കേസ്; പ്രതി ചെന്താമരയുടെ ശിക്ഷാവിധി മറ്റന്നാള്‍
