ലിംഗം മുറിച്ച പെണ്‍കുട്ടിക്ക് അവാര്‍ഡ് നല്‍കണമായിരുന്നു: ജി സുധാകരന്‍

Posted on: June 5, 2017 7:44 pm | Last updated: June 5, 2017 at 9:18 pm
SHARE

ആലപ്പുഴ: തന്നെ പീഡിപ്പിക്കാന്‍ ശ്രമിച്ച സ്വാമിയുടെ ലിംഗം മുറിച്ച പെണ്‍കുട്ടിക്ക് അവാര്‍ഡ് നല്‍കണമായിരുന്നുവെന്ന് മന്ത്രി ജി സുധാകരന്‍. വനം വകുപ്പ് സംഘടിപ്പിച്ച ജില്ലതല പരിസ്ഥിതി ദിനാഘോഷ പരിപാടി ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.

പെണ്‍കുട്ടി ചെയ്ത നടപടിയെ ഒരു വനിതാ സംഘടനയും പ്രോത്സാഹിപ്പിക്കുന്നില്ല.തിരുവനന്തപുരത്തുണ്ടായ പോലെ മകള്‍ക്കെതിരെ സാക്ഷി പറയാന്‍ ഒരു അമ്മയും നടക്കരുത്. സ്വാമിയെ വിളിച്ച് പ്രായപൂര്‍ത്തിയായ മകളുള്ള വീട്ടില്‍ താമസിപ്പിച്ചത് അധികപ്പറ്റാണ്. അതിന് ന്യായീകരണമില്ല.

ഇക്കാലത്ത് ജീവിക്കാന്‍ സ്ത്രീകള്‍ക്ക് നല്ല ധൈര്യം വേണം. ഒരുത്തന്‍ ആക്രമിക്കാന്‍ വന്നാല്‍ നന്നായി കൈകാര്യം ചെയ്ത് വിടണം. പെണ്‍കുട്ടികള്‍ ആണുങ്ങളേക്കാള്‍ ശക്തിയുള്ളവരാണ്. ആക്രമിക്കാന്‍ വരുമ്പോള്‍ ശക്തി പ്രയോഗിച്ചാല്‍ മതിയെന്നും മന്ത്രി പറഞ്ഞു.