National
ആരോഗ്യ കേന്ദ്രത്തിനെതിരെ വ്യാപക പരാതി: ഐഎഎസ് ഉദ്യോഗസ്ഥ രോഗിയുടെ വേഷത്തിലെത്തി അന്വേഷണം നടത്തി
ആശുപത്രിയില്‍ ചികിത്സക്കെത്തുന്ന രോഗികള്‍ ആരോഗ്യ കേന്ദ്രത്തിനെതിരെ നിരവധി പരാതികള്‍ ഉയര്‍ത്തിയിരുന്നു.
ഫിറോസാബാദ് | സര്‍ക്കാര്‍ ആരോഗ്യ കേന്ദ്രത്തില്‍ രോഗിയുടെ വേഷത്തിലെത്തി ഐഎഎസ് ഉദ്യോഗസ്ഥ അന്വേഷണം നടത്തി. ഉത്തര്‍പ്രദേശിലെ ഫിറോസാബാദിലെ സര്‍ക്കാര്‍ ആശുപത്രിയിലാണ് സംഭവം. ആശുപത്രിയില്‍ ചികിത്സക്കെത്തുന്ന രോഗികള്‍ ആരോഗ്യ കേന്ദ്രത്തിനെതിരെ നിരവധി പരാതികള്‍ ഉയര്‍ത്തിയിരുന്നു. രോഗികള്‍ നേരിടുന്ന അസൗകര്യങ്ങള്‍ സംബന്ധിച്ച് പരാതികള്‍ വരുന്നത് വര്‍ദ്ധിച്ചതോടെയാണ് അന്വേഷണം നടത്താന്‍ തീരുമാനിച്ചതെന്ന് സബ് ഡിവിഷണല്‍ മജിസ്‌ട്രേറ്റ് കൃതി രാജ് വ്യക്തമാക്കി.
രോഗികളോടുള്ള ഡോക്ടര്‍മാരുടെ പെരുമാറ്റം ശരിയല്ലെന്നും 10 മണിക്ക് ശേഷവും ഡോക്ടര്‍ എത്തുന്നില്ലെന്നും നിരവധി പരാതികള്‍ ആശുപത്രിക്കെതിരെ ഉണ്ടായിരുന്നു. അന്വേഷണ വിധേയമായി ആശുപത്രിയില്‍ രോഗിയുടെ രൂപത്തില്‍ എത്തിയപ്പോള്‍ തന്നോടും ഡോക്ടര്‍ നല്ല രീതിയില്‍ അല്ല പെരുമാറിയതെന്ന്‌ കൃതി രാജ് പറഞ്ഞു. ഉദ്യോഗസ്ഥരുടെ അറ്റന്റന്‍സ് പരിശോധിച്ചപ്പോള്‍ അപാകതകള്‍ കണ്ടെത്തിയെന്നും ഒപ്പിട്ട ശേഷം അധികൃതര്‍ ആശുപത്രിയില്‍ ഇല്ലായിരുന്നെന്നും മരുന്നുകളില്‍ പലതും കാലാവധി കഴിഞ്ഞതാണെന്ന് കണ്ടെത്തിയിട്ടുണ്ടെന്നും അന്വേഷണത്തില്‍ വ്യക്തമായെന്ന് കൃതി രാജ് പറഞ്ഞു.
ഇഞ്ചക്ഷനുകള്‍ പോലും കൃത്യമായി ജനങ്ങള്‍ക്ക്‌ നല്‍കാത്ത അവസ്ഥയുണ്ട്. ആരോഗ്യ കേന്ദ്രം അധികൃതര്‍ക്കെതിരെ കര്‍ശന നടപടി ഉണ്ടാവുമെന്ന് എസ്ഡിഎം കൃതി രാജ് അറിയിച്ചു.
Latest
പതിനേഴുകാരിയെ വിവാഹ വാഗ്ദാനം നല്‍കി നിരന്തരം പീഡിപ്പിച്ചു; 24കാരന്‍ പിടിയില്‍
അതിതീവ്ര മഴ; തമിഴ്‌നാട്ടിൽ 4 ജില്ലകളിൽ റെഡ് അലർട്ട്
ലോക്‌സഭാ തിരഞ്ഞെടുപ്പ്: 8889 കോടിയുടെ പണവും സാധനങ്ങളും പിടിച്ചെടുത്തു; പിടിച്ചെടുത്തവയില്‍ 3,959 കോടിയുടെ മയക്ക്മരുന്നും
പ്ലസ് വണ്‍ സീറ്റ് വിവാദം എല്ലാ വര്‍ഷവും ഉള്ളതാണ് അതില്‍ രാഷ്ട്രീയ മുതലെടുപ്പ് നടത്തരുത്; മന്ത്രി വി ശിവന്‍കുട്ടി
അര്‍ഹരായ എല്ലാ ബിപിഎല്‍ അപേക്ഷകര്‍ക്കും വാട്ടര്‍ അതോറിറ്റി സൗജന്യ കുടിവെള്ളം നല്‍കും
അതിജീവിതയെ അപമാനിക്കുന്ന തരത്തില്‍ വാര്‍ത്തകള്‍ നല്‍കരുത്; കര്‍ശനമായി ഇടപെടേണ്ട സ്ഥിതിയെന്ന് വനിത കമ്മിഷന്‍ അധ്യക്ഷ
