west bengal
സര്‍വകലാശാലാ പോര് ബംഗാളിലും; വി സിമാരെ നിയമിച്ചത് താനറിയാതെയെന്ന് ഗവര്‍ണര്‍
ഡയമണ്ട് ഹാര്‍ബര്‍ വനിതാ സര്‍വകലാശാലയിലെ വി സി നിയമനവുമായി ബന്ധപ്പെട്ട വിവാദങ്ങള്‍ക്ക് പിന്നാലെയാണ് ഗവര്‍ണറുടെ വെളിപ്പെടുത്തല്‍
കൊല്‍ക്കത്ത | തന്റെ അനുമതിയില്ലാതെയാണ് സംസ്ഥാനത്തെ 25 സര്‍വകലാശാലകളിലേക്ക് വൈസ് ചാന്‍സിലര്‍മാരെ നിയമിച്ചതെന്ന പരസ്യപ്രതികരണവുമായി പശ്ചിമ ബംഗാള്‍ ഗവര്‍ണര്‍ ജഗ്ദീപ് ധന്‍കര്‍. ഡയമണ്ട് ഹാര്‍ബര്‍ വനിതാ സര്‍വകലാശാലയിലെ വി സി നിയമനവുമായി ബന്ധപ്പെട്ട വിവാദങ്ങള്‍ക്ക് പിന്നാലെയാണ് ഗവര്‍ണറുടെ വെളിപ്പെടുത്തല്‍.
കഴിഞ്ഞ ദിവസം ഈ സര്‍വകലാശാലയിലെ വി സിയായ ആര്‍ട്‌സ് ഫാക്കല്‍റ്റി ഡീന്‍ തപന്‍ മണ്ഡലിനെ വി സിയായി ധന്‍കര്‍ നിയമിച്ചിരുന്നു. വ്യക്തിപരമായ കാരണങ്ങളാല്‍ തനിക്ക് സ്ഥാനം ഏറ്റെടുക്കാന്‍ കഴിയില്ലെന്ന് കാണിച്ച് മണ്ഡല്‍ പദവി നിഷേധിച്ചിരുന്നു. ഇതിന് പിന്നാലെ സോമ ബന്ധോപാദ്യയെ മമത വി സിയായി നിയമിച്ചിരുന്നു. ഈ സാഹചര്യത്തിലാണ് ധന്‍കര്‍ പരസ്യ പ്രതികരണവുമായി രംഗത്തെത്തുന്നത്. എന്നാല്‍, സെര്‍ച്ച് കമ്മിറ്റി നല്‍കുന്ന പേരുകള്‍ ചാന്‍സിലറായ ഗവര്‍ണര്‍ അംഗീകരിച്ചില്ലെങ്കില്‍ നിയമനവുമായി വിദ്യാഭ്യാസ വകുപ്പിന് മുന്നോട്ട് പോകാമെന്നുമാണ് തൃണമൂലിന്റെ വാദം.
വിദ്യാഭ്യാസ രംഗം — അധികാരിയുടെ നിയമമാണ്, നിയമത്തിന്റെ പാലനമല്ല. ഇപ്പോള്‍ 25 സര്‍വകലാശാലകളിലേക്ക് വി സിയെ നിയമിച്ചത് ചാന്‍സിലറുടെ അനുമതിയില്ലാതെയാണ് എന്നായിരുന്നു ധന്‍കറിന്റെ ട്വീറ്റ്.
Latest
മാസപ്പടി കേസ്; മുഖ്യമന്ത്രിക്കും മകള്‍ക്കുമെതിരായ ഹരജിയില്‍ വിധി ഇന്ന്
മോഷണക്കേസില്‍ ജയിലിലായി; നിരപരാധിത്വം തെളിഞ്ഞതിന് പിന്നാലെ യുവാവ് ജീവനൊടുക്കിയ നിലയില്‍
സംസ്ഥാനത്ത് മൂന്ന് ദിവസം ഇടിമിന്നലോട് കൂടിയ മഴക്ക് സാധ്യത; ഇന്ന് മൂന്ന് ജില്ലകളില്‍ യെല്ലോ അലര്‍ട്ട്
ലോക്‌സഭാ തിരഞ്ഞെടുപ്പ്; ആദ്യഘട്ട വോട്ടെടുപ്പ് തുടങ്ങി
ഓ അശുതോഷ്...! മുംബൈക്ക് ഒന്പത് റൺസ് ജയം
ന്യൂനപക്ഷ സമുദായങ്ങളുടെ ആരാധനാലയങ്ങള്‍ ആക്രമിക്കുന്നത് അപലപനീയം: കാന്തപുരം തെലങ്കാന മുഖ്യമന്ത്രിക്ക് കത്തയച്ചു
