Kerala
ക്ലാസില്‍ മദ്യപിച്ചെത്തിയ അധ്യാപകനെ വിദ്യാര്‍ഥികള്‍ ചെരിപ്പെറിഞ്ഞ് ഓടിച്ചു
ഛത്തീസ്ഗഡ് ബസ്തറിലെ സര്‍ക്കാര്‍ സ്‌കൂളിലാണ് സംഭവം
റായ്പൂര്‍ | ക്ലാസില്‍ ദിവസേനെ മദ്യപിച്ചെത്തിയ അധ്യാപകനെ ചെരിപ്പെറിഞ്ഞ് സ്‌കൂളില്‍ നിന്നും ഓടിച്ച് വിദ്യാര്‍ഥികള്‍. ഛത്തീസ്ഗഡ് ബസ്തറിലെ സര്‍ക്കാര്‍ സ്‌കൂളിലാണ് സംഭവം. ബസ്തര്‍ ജില്ലയിലെ പിലിഭട്ട പ്രൈമറി സ്‌കൂളിലെ അധ്യാപകന്‍ ക്ലാസില്‍ ദിവസവും മദ്യപിച്ചാണ് എത്തിയിരുന്നത്. വിദ്യാര്‍ഥികളെ പഠിപ്പിക്കുന്നതിനു പകരം ഇയാള്‍ മദ്യലഹരിയില്‍ ക്ലാസ് മുറിയിലെ തറയില്‍ കിടന്നുറങ്ങുകയാണ് പതിവ്. കുട്ടികള്‍ പഠിപ്പിക്കാന്‍ ആവശ്യപ്പെട്ടാല്‍ കുട്ടികളെ അധിക്ഷേപിച്ച് ഓടിക്കുന്നതാണ് ഇയാളുടെ രീതി.
കഴിഞ്ഞ ദിവസം പതിവുപോലെ മദ്യപിച്ചെത്തിയ അധ്യാപകനോട് കുട്ടികള്‍ പഠിപ്പിക്കാന്‍ ആവശ്യപ്പെട്ടു. എന്നാല്‍ അധ്യാപകന്‍ ഇതിനു കൂട്ടാക്കിയില്ല. ഇതോടെ രോഷാകുലരായ വിദ്യാര്‍ഥികള്‍ അധ്യാപകനു നേരെ ചെരുപ്പ് എറിയാന്‍ തുടങ്ങി.തുടര്‍ന്ന് കുട്ടികളുടെ ആക്രമണം ഭയന്ന് അധ്യാപകന്‍ ബൈക്ക് എടുത്ത് സ്ഥലം വിടുകയായിരുന്നു. ബൈക്കില്‍ സ്‌കൂളില്‍ നിന്നും രക്ഷപ്പെട്ടുപോകുന്ന അധ്യാപകന്റെ പിന്നാലെ വിദ്യാര്‍ഥികള്‍ ഓടിയെത്തി ചെരിപ്പെറിയുകയും ചെയ്തു. സംഭവത്തിന്റെ വീഡിയോ സാമൂഹികമാധ്യമങ്ങളിലാകെ പ്രചരിക്കുന്നുണ്ട്.
Latest
പതിനേഴുകാരിയെ വിവാഹ വാഗ്ദാനം നല്‍കി നിരന്തരം പീഡിപ്പിച്ചു; 24കാരന്‍ പിടിയില്‍
അതിതീവ്ര മഴ; തമിഴ്‌നാട്ടിൽ 4 ജില്ലകളിൽ റെഡ് അലർട്ട്
ലോക്‌സഭാ തിരഞ്ഞെടുപ്പ്: 8889 കോടിയുടെ പണവും സാധനങ്ങളും പിടിച്ചെടുത്തു; പിടിച്ചെടുത്തവയില്‍ 3,959 കോടിയുടെ മയക്ക്മരുന്നും
പ്ലസ് വണ്‍ സീറ്റ് വിവാദം എല്ലാ വര്‍ഷവും ഉള്ളതാണ് അതില്‍ രാഷ്ട്രീയ മുതലെടുപ്പ് നടത്തരുത്; മന്ത്രി വി ശിവന്‍കുട്ടി
അര്‍ഹരായ എല്ലാ ബിപിഎല്‍ അപേക്ഷകര്‍ക്കും വാട്ടര്‍ അതോറിറ്റി സൗജന്യ കുടിവെള്ളം നല്‍കും
അതിജീവിതയെ അപമാനിക്കുന്ന തരത്തില്‍ വാര്‍ത്തകള്‍ നല്‍കരുത്; കര്‍ശനമായി ഇടപെടേണ്ട സ്ഥിതിയെന്ന് വനിത കമ്മിഷന്‍ അധ്യക്ഷ
