formula one
ഫോര്‍മുല വണ്‍ കിരീടം റെഡ് ബുള്ളിന്റെ മാക്‌സ് വെര്സ്റ്റപ്പന്
ഡച്ച് താരത്തിന്റെ കന്നിക്കിരീടമാണിത്
അബൂദബി | ഫോര്‍മുല വണ്‍ കാറോട്ട ലോക കിരീടം റെഡ് ബുള്ളിന്റെ മാക്‌സ് വെര്സ്റ്റപ്പന് സ്വന്തമാക്കി. അബൂദബി ഗ്രാന്‍ഡ് പ്രീയില്‍ ഒന്നാമനായതോടെയാണ് കിരീടം ഉറപ്പിച്ചത്. അവസാന ലാപ്പില്‍ മേഴ്‌സിഡസ് താരം ലൂയിസ് ഹാമില്‍ട്ടനെ മറികടന്ന് വെര്സ്റ്റപ്പന് വിജയം പിടിച്ചെടുക്കുകയായിരുന്നു. ഡച്ച് താരത്തിന്റെ കന്നിക്കിരീടമാണിത്. ഫോര്‍മുല വണ്‍ സീസണിലെ അവസാന ഗ്രാന്‍ഡ് പ്രീയായിരുന്നു അബൂദബിയിലേത്.
അവസാന മത്സരത്തിന് മുമ്പ് ഇരുവര്‍ക്കും ഒരേ പോയിന്റായിരുന്നു. എന്നാല്‍, അവസാന ലാപ്പിലെ മറികടക്കിലില്‍ വെര്സ്റ്റപ്പന് തകര്‍ത്ത് കളഞ്ഞത് ഹാമില്‍ട്ടണിന്റെ ഏറ്റവും കൂടുതല്‍ ഫോര്‍മുല വണ്‍ കിരീടങ്ങള്‍ എന്ന റെക്കോര്‍ഡ് നേട്ടത്തെയായിരുന്നു. നിലവില്‍ ഏഴ് കിരീടവുമായി ഇതിഹാസ താരം ഷൂമാക്കറിനൊപ്പമാണ് ഹാമില്ട്ടണ്. തുടര്‍ച്ചയായി എട്ട് തവണയെന്ന അപൂര്‍വ്വ നേട്ടവും ഇന്നത്തെ പരാജയത്തോടെ ഹാമില്ട്ടണ് അന്യമായി. ഇതോടെ 2014 മുതല്‍ ഹാമില്ട്ടണ് കൈവശം വെക്കുന്ന കിരീടത്തിന്റെ പുതിയ അവകാശിയാവുകയാണ് വെര്സ്റ്റപ്പന്.
മത്സരത്തിന് ഇറങ്ങുന്നതിന് മുമ്പ് കിരീടം എന്ന സ്വപനത്തിലേക്ക് വെര്സ്റ്റപ്പന് എത്തുമെന്ന് അദ്ദേഹത്തിന്റെ ടീമായ റെഡ് ബുള്‍ പോലും പ്രതീക്ഷിച്ചിരുന്നില്ല. വേഗതയേറിയ കാറിന് പുറമെ അത്ഭുതമെന്തെങ്കിലും സംഭവിച്ചാലേ എഫ് വണ്‍ കിരീടം നേടാന്‍ സാധിക്കുകയുള്ളൂ എന്നായിരുന്നു മത്സരത്തിന് മുമ്പ് റെഡ് ബുള്ളിന്റെ പ്രതികരണം.
Latest
പിതാവ് മരിച്ചത് മകന്റെ അടിയേറ്റ്; മകന്‍ കസ്റ്റഡിയില്‍
നവവധുവിന് മര്‍ദനം: പ്രതി രാഹുല്‍ സിംഗപ്പൂരിലേക്ക് കടന്നതായി സംശയം
കേന്ദ്രത്തില്‍ സര്‍ക്കാര്‍ രൂപീകരിക്കാന്‍ ഇന്ത്യാ മുന്നണിയെ പുറത്തുനിന്ന് പിന്തുണയ്ക്കുമെന്ന പ്രഖ്യാപനവുമായി മമത ബാനര്‍ജി
വീട്ടില്‍ ഉറങ്ങിക്കിടന്ന 10 വയസുകാരിയെ തട്ടിക്കൊണ്ട് പോയി പീഡിപ്പിച്ച പ്രതി മലയാളം സംസാരിക്കുന്ന മെലിഞ്ഞ ശരീര പ്രകൃതിയുള്ള ആള്‍
പൗരത്വ ഭേദഗതി: സുപ്രിംകോടതി പരിഗണനയിലുള്ള വിഷയത്തില്‍ കേന്ദ്രസര്‍ക്കാര്‍ ഏകപക്ഷീയ നടപടി ഇന്ന് സുപ്രിം കോടതിയില്‍ എത്തും
സംസ്ഥാനത്ത് ഇന്ന് ഡ്രൈവിംഗ് ടെസ്റ്റ് പുനസ്ഥാപിക്കും
