KPCC
കെ പി സി സിയുടെ വിശാല നേതൃയോഗം ഇന്ന്; പാര്ട്ടി പുനസ്സംഘടന ലക്ഷ്യം
ലോകസഭാ തിരഞ്ഞെടുപ്പ് വിജയം ചൂണ്ടിക്കാട്ടി പുനസ്സംഘടന തടയാനും നീക്കം
തിരുവനന്തപുരം | പാര്ട്ടി പുനസ്സംഘടന ലക്ഷ്യമിട്ട് കെ പി സി സിയുടെ വിശാല നേതൃയോഗം ഇന്ന് തിരുവനന്തപുരത്ത് ചേരും. പ്രവര്ത്തനം മോശമായ ഡി സി സി അധ്യക്ഷന്മാര്ക്കും തര്ക്കമുള്ള ഇടങ്ങളില് മണ്ഡലം, ബ്ലോക്ക് പ്രസിഡന്റുമാര്ക്കും മാറ്റമുണ്ടായേക്കും.
സംഘടനാ ദൗര്ബല്യങ്ങള്ക്ക് പരിഹാരം കാണാന് പുനസ്സംഘടന ലക്ഷ്യമിട്ടെങ്കിലും ലോക സഭാ തിരഞ്ഞെടുപ്പില് ഉണ്ടായ മികച്ച ഫലം പലരുടെയും സ്ഥാനം ഉറപ്പിക്കും. സ്ഥാനം തെറിക്കുമെന്നു കരുതിയ പലരും തിരഞ്ഞെടുപ്പ് ഫലം ഉയര്ത്തിക്കാട്ടി സ്ഥാനത്തു തുടരാനുള്ള നീക്കവും ആരംഭിച്ചു.
കെ പി സി സി പ്രസിഡന്റ് കെ സുധാകരനെയും ചുരുക്കം ഭാരവാഹികളെയും നിലനിര്ത്തിയാവും പുതിയ പട്ടിക തയ്യാറാക്കുക. തെരഞ്ഞെടുപ്പിന് മുന്നോടിയായി പ്രഖ്യാപിച്ച കെ പി സി സി സെക്രട്ടറിമാരുടെ പട്ടികയിലും മാറ്റം കൊണ്ടുവരാന് നീക്കം നടക്കുന്നുണ്ട്.
ചില ഡി സി സി പ്രസിഡന്റുമാരെയും മാറ്റാന് ഒരുങ്ങുന്നുണ്ട്. എന്നാല് തിരഞ്ഞെടുപ്പില് വിജയം ഉണ്ടായ സാഹചര്യത്തില് ഉടച്ചുവാര്ക്കല് വേണ്ടെന്ന വാദവും ശക്തിപ്രാപിച്ചിട്ടുണ്ട്. ഗ്രൂപ്പടിസ്ഥാനത്തില് വീതം വെയ്പ്പ് നടന്നെന്ന ആരോപണം കേള്ക്കുന്ന ബ്ലോക്ക്, മണ്ഡലം കോണ്ഗ്രസ് കമ്മിറ്റികളിലും അഴിച്ചുപണിയുണ്ടാകും.
Latest
നേപ്പാള് മിന്നല് പ്രളയം: 288 ഇന്ത്യക്കാരെ കാണാനില്ല, ഇതില് 33 മലയാളികളും; കേന്ദ്ര സര്ക്കാര്
പൂപ്പാറയിലെ കാട്ടാന ആക്രമണം; മരിച്ച തോട്ടം തൊഴിലാളിയുടെ കുടുംബത്തിന് പത്ത് ലക്ഷം രൂപ ധനസഹായം പ്രഖ്യാപിച്ചു
നേപ്പാളിലെ പ്രളയബാധിത പ്രദേശങ്ങളില് കുടുങ്ങിയ 53 മലയാളികളെ കുറിച്ച് വിവരം ലഭിച്ചു; നോര്ക്ക
കാണ്പൂരില് പരിശീലന വിമാനം തകര്ന്നുവീണു; രണ്ട് പൈലറ്റുമാര് കൊല്ലപ്പെട്ടു
നേപ്പാള് മിന്നല് പ്രളയം: രക്ഷാപ്രവര്ത്തനതിന് 2000 സൈനികരെ വിന്യസിപ്പിച്ചു, 123 പേരെ രക്ഷപ്പെടുത്തി
നവവധു ഫ്ളാറ്റിലെ പത്താം നിലയില് നിന്ന് വീണു; രക്ഷയായത് മരച്ചില്ലകള്
