election notification
കേരളത്തില് തെരഞ്ഞെടുപ്പ് വിജ്ഞാപനം ഇന്ന്; ഏപ്രില് നാല് വരെ നോമിനേഷന് നല്കാം
ഏപ്രില് നാലിനാണ് അവസാന തീയതി, സൂക്ഷ്മ പരിശോധന ഏപ്രില് അഞ്ചിന് നടക്കും
തിരുവനന്തപുരം | കേരളം ഉള്പ്പെടെ രണ്ടാംഘട്ട തെരഞ്ഞെടുപ്പ് നടക്കുന്ന സംസ്ഥാനങ്ങ ളിലേക്കുള്ള തെരഞ്ഞെടുപ്പ് വിജ്ഞാപനം ഇന്ന് പുറത്തിറങ്ങും. ഏപ്രില് നാല് വരെ നാമ നിര്ദ്ദേശ പത്രിക സമര്പ്പിക്കാം.
കേരളത്തില് ലോക്സഭാ തിരഞ്ഞെടുപ്പിനുള്ള നാമനിര്ദ്ദേശ പത്രികാ സമര്പ്പണത്തിനുള്ള തയ്യാറെടുപ്പുകള് പൂര്ത്തിയായെന്ന് തെരഞ്ഞെടുപ്പ് ഓഫീസര് സഞ്ജയ് കൗള് അറിയിച്ചു. കേരളത്തിലെ 20 മണ്ഡലങ്ങള് ഉള്പ്പെടെ 98 മണ്ഡലങ്ങളില് ഏപ്രില് 26 ന് ആണ് തെരഞ്ഞെടുപ്പ് നടക്കുന്നത്.
സംസ്ഥാനത്ത് 20 ലോക്സഭാ മണ്ഡലങ്ങളിലേക്കും ബന്ധപ്പെട്ട റിട്ടേണിംഗ് ഓഫീസര്മാര്ക്കു മുമ്പാകെയാണ് പത്രിക സമര്പ്പിക്കേണ്ടത്. രാവിലെ 11 മുതല് വൈകിട്ട് മൂന്നു വരെയാണ് പത്രിക സ്വീകരിക്കുന്ന സമയം. ഏപ്രില് നാലിനാണ് അവസാന തീയതി. സൂക്ഷ്മ പരിശോധന ഏപ്രില് അഞ്ചിന് നടക്കും. നാമനിര്ദേശ പത്രിക പിന്വലിക്കാനുള്ള അവസാന തീയതി ഏപ്രില് എട്ടാണ്.
കൊല്ലത്തെ എല്ഡിഎഫ് സ്ഥാനാര്ത്ഥിയായി എം മുകേഷ് എം എല് എ ഇന്ന് നാമനിര്ദ്ദേശപത്രിക സമര്പ്പിക്കും. രാവിലെ 11ന് വരണാധികാരിക്ക് പത്രിക നല്കും. പത്തരയോടെ ഹൈസ്കൂള് ജംഗ്ഷനിലുള്ള സി ഐ ടി യു ഓഫീസില് നിന്ന് മുന്നണി നേതാക്കള്ക്കും പ്രവര്ത്തകര്ക്കുമൊപ്പം നാമനിര്ദ്ദേശപത്രിക സമര്പ്പിക്കാന് പുറപ്പെടും. മത്സ്യത്തൊഴിലാളികളാണ് സ്ഥാനാര്ഥിക്ക് കെട്ടിവയ്ക്കാനുള്ള തുക കൈമാറിയത്.
ആദ്യഘട്ട ലോക്സഭാ തെരഞ്ഞെടുപ്പിനുള്ള നാമ നിര്ദ്ദേശ പത്രികകളുടെ സൂക്ഷ്മ പരിശോധന ഇന്ന് തുടങ്ങും. ഈ മാസം 30 ആണ് നാമനിര്ദേശ പത്രിക പിന്വലിക്കാനുള്ള അവസാന തീയതി. 102 മണ്ഡലങ്ങളിലേക്കാണ് ആദ്യഘട്ടത്തില് തെരഞ്ഞെടുപ്പ് നടക്കുന്നത്.