International
കൊവിഡ് രോഗവ്യാപനം രൂക്ഷമാകുന്നു; ലോക്ഡൗണ്‍ വീണ്ടും നീട്ടി മെല്‍ബണ്‍
മെല്‍ബണിലും വിക്ടോറിയ സ്റ്റേറ്റിലുമുള്ള 7 മില്യണ്‍ ആളുകള്‍ക്കാണ് വീണ്ടും ലോക്ഡൗണ്‍ നിയന്ത്രണങ്ങള്‍ ഏര്‍പ്പെടുത്തിയിരിക്കുന്നത്.
മെല്‍ബണ്‍| ഓസ്ട്രേലിയയിലെ ഏറ്റവും വലിയ നഗരമായ മെല്‍ബണില്‍ ലോക്ഡൗണ്‍ വീണ്ടും നീട്ടി. കൊവിഡ് ഡെല്‍റ്റ വകഭേദം കാരണം രോഗബാധ തടയാന്‍ സാധിക്കാത്തതുകൊണ്ടാണ് ലോക്ഡൗണ്‍ വീണ്ടും നീട്ടിയത്. ശനിയാഴ്ചയാണ് ലോക്ഡൗണ്‍ വീണ്ടും നീട്ടികൊണ്ടുള്ള ഉത്തരവ് പുറത്തിറക്കിയത്.
മെല്‍ബണിലും വിക്ടോറിയ സ്റ്റേറ്റിലുമുള്ള 7 മില്യണ്‍ ആളുകള്‍ക്കാണ് വീണ്ടും ലോക്ഡൗണ്‍ നിയന്ത്രണങ്ങള്‍ ഏര്‍പ്പെടുത്തിയിരിക്കുന്നത്. നാലാഴ്ച നീണ്ടു നിന്ന ലോക്ഡൗണ്‍ പിന്‍വലിക്കാന്‍ ഒരുങ്ങവെയാണ് ലോക്ഡൗണ്‍ വീണ്ടും നീട്ടിയത്. സ്ഥലത്ത് കൊവിഡ് കണക്കുകള്‍ ഒറ്റ രാത്രികൊണ്ട് 92 ആയി ഉയര്‍ന്ന സഹസാഹര്യത്തില്‍ ലോക്ഡൗണ്‍ നിയന്ത്രണങ്ങള്‍ പിന്‍വലിക്കാന്‍ സാധിക്കില്ലെന്ന് സ്റ്റേറ്റ് പ്രീമിയര്‍ ഡാന്‍ ആന്‍ഡ്രൂസ് പറഞ്ഞു.
ജൂണ്‍ പകുതിയോടെയാണ് ഓസ്ട്രേലിയയില്‍ കൊവിഡ് കേസുകള്‍ വര്‍ധിക്കാന്‍ ആരംഭിച്ചത്. അതിന് ശേഷം 15000 ത്തിലധികം ആളുകള്‍ക്ക് രോഗബാധ സ്ഥിരീകരിച്ചു. ന്യൂസിലാന്റിലും കൊവിഡ് ഡെല്‍റ്റ വകഭേദം മൂലമുള്ള രോഗബാധ വര്‍ധിക്കുകയാണ്. ഒരു കൊവിഡ് രോഗി പോലും ഇല്ലാതെയാക്കാനുള്ള ന്യൂസിലാന്റിന്റെ പദ്ധതിയാണ് ഇതോടെ തകര്‍ന്നത്.
Latest
പതിനേഴുകാരിയെ വിവാഹ വാഗ്ദാനം നല്‍കി നിരന്തരം പീഡിപ്പിച്ചു; 24കാരന്‍ പിടിയില്‍
അതിതീവ്ര മഴ; തമിഴ്‌നാട്ടിൽ 4 ജില്ലകളിൽ റെഡ് അലർട്ട്
ലോക്‌സഭാ തിരഞ്ഞെടുപ്പ്: 8889 കോടിയുടെ പണവും സാധനങ്ങളും പിടിച്ചെടുത്തു; പിടിച്ചെടുത്തവയില്‍ 3,959 കോടിയുടെ മയക്ക്മരുന്നും
പ്ലസ് വണ്‍ സീറ്റ് വിവാദം എല്ലാ വര്‍ഷവും ഉള്ളതാണ് അതില്‍ രാഷ്ട്രീയ മുതലെടുപ്പ് നടത്തരുത്; മന്ത്രി വി ശിവന്‍കുട്ടി
അര്‍ഹരായ എല്ലാ ബിപിഎല്‍ അപേക്ഷകര്‍ക്കും വാട്ടര്‍ അതോറിറ്റി സൗജന്യ കുടിവെള്ളം നല്‍കും
അതിജീവിതയെ അപമാനിക്കുന്ന തരത്തില്‍ വാര്‍ത്തകള്‍ നല്‍കരുത്; കര്‍ശനമായി ഇടപെടേണ്ട സ്ഥിതിയെന്ന് വനിത കമ്മിഷന്‍ അധ്യക്ഷ
