National
ഇസ്‌റാഈലിലേക്കുള്ള വിമാനങ്ങള്‍ ഒക്ടോബര്‍ 18 വരെ റദ്ദാക്കി എയര്‍ ഇന്ത്യ
അതേസമയം, ഇസ്‌റാഈലില്‍ കുടുങ്ങിയ ഇന്ത്യക്കാരെ തിരികെ കൊണ്ടുവരാന്‍ ആവശ്യാനുസരണം എയര്‍ലൈന്‍ ചാര്‍ട്ടേഡ് ഫ്‌ലൈറ്റുകള്‍ നടത്തുമെന്ന് എയര്‍ ഇന്ത്യ പറഞ്ഞു. .
ന്യൂഡല്‍ഹി| ഇസ്‌റാഈല്‍-ഹമാസ് സംഘര്‍ഷം രൂക്ഷമായ സാഹചര്യത്തില്‍ ടെല്‍ അവീവിലേക്കും തിരിച്ചും ഷെഡ്യൂള്‍ ചെയ്തിരുന്ന വിമാനങ്ങള്‍ ഒക്ടോബര്‍ 18 വരെ എയര്‍ ഇന്ത്യ റദ്ദാക്കി. നേരത്തെ ഒക്ടോബര്‍ 14 വരെ സര്‍വീസുകള്‍ നിര്‍ത്തിവെച്ചിരുന്നു. അതേസമയം, ഇസ്‌റാഈലില്‍ കുടുങ്ങിയ ഇന്ത്യക്കാരെ തിരികെ കൊണ്ടുവരാന്‍ ആവശ്യാനുസരണം എയര്‍ലൈന്‍ ചാര്‍ട്ടേഡ് ഫ്‌ലൈറ്റുകള്‍ നടത്തുമെന്ന് എയര്‍ ഇന്ത്യ ഉദ്യോഗസ്ഥര്‍ പ്രസ് ട്രസ്റ്റ് ഓഫ് ഇന്ത്യയോട് പറഞ്ഞു.
ഡല്‍ഹിയില്‍ നിന്ന് ആഴ്ചയില്‍ അഞ്ച് സര്‍വീസുകളാണ് ടെല്‍ അവീവിലേക്ക് എയര്‍ലൈന്‍ നടത്താറുണ്ടായിരുന്നത്. തിങ്കള്‍, ചൊവ്വ, വ്യാഴം, ശനി, ഞായര്‍ ദിവസങ്ങളിലാണ് സര്‍വീസ്. ഇസ്‌റാഈലില്‍ നിന്ന് ഇന്ത്യക്കാരെ തിരികെ കൊണ്ടുവരാന്‍ കേന്ദ്ര സര്‍ക്കാര്‍ ആരംഭിച്ച ഓപ്പറേഷന്‍ അജയ് പ്രകാരം എയര്‍ ഇന്ത്യ ഇതുവരെ രണ്ട് വിമാന സര്‍വീസുകള്‍ നടത്തിയിരുന്നു.
Latest
ബംഗാള്‍ ഗവര്‍ണര്‍ക്കെതിരായ ലൈംഗികാതിക്രമ പരാതി; പോലീസിന്റെ പ്രത്യേക സംഘം അന്വേഷിക്കും
ഹര്‍ദീപ് സിംഗ് നിജ്ജര്‍ കൊലപാതകം; അറസ്റ്റിലായവര്‍ക്ക് ഇന്ത്യന്‍ സര്‍ക്കാറുമായുള്ള ബന്ധം അന്വേഷിക്കുന്നതായി കാനഡ
റായ്ബറേലിയിൽ രാഹുൽഗാന്ധിയെ പിന്തുണയ്ക്കുമെന്ന് ബിനോയ് വിശ്വം
വയനാട്ടിലെ ഉപതിരഞ്ഞെടുപ്പ് റായ്ബറേലിയിലെ വിജയാഘോമാകും: കുഞ്ഞാലിക്കുട്ടി
ഓൺലൈനിലൂടെ 25 കോടിയുടെതട്ടിപ്പ് നടത്തിയ കേസിലെ മുഖ്യ പ്രതി അറസ്റ്റിൽ
മൊബൈൽ ആപ്പ് വഴി റിസർവേഷൻ ദൂര പരിധി നീക്കി റെയിൽവേ
