abudhabi police warning
റെഡ് സിഗ്നൽ മറികടക്കുന്നവർക്ക് മുന്നറിയിപ്പുമായി അബൂദബി പോലീസ്
ലൈസൻസിൽ 12 ബ്ലാക്ക് പോയന്‍റുകളും ഈ നിയമലംഘനത്തിന് ചുമത്തുന്നതാണ്.
അബൂദബി | വാഹനമോടിക്കുമ്പോൾ റെഡ് സിഗ്നൽ മറികടക്കുന്നവർക്ക് മുന്നറിയിപ്പുമായി അബൂദബി പോലീസ്. റെഡ് സിഗ്നൽ മറികടന്നതിന് കഴിഞ്ഞവർഷം മാത്രം മൂവായിരത്തോളം ഡ്രൈവർമാർക്ക് 1,000 ദിർഹം വീതം പിഴചുമത്തിയെന്ന് അബൂദബി പോലീസ് അറിയിച്ചത് കഴിഞ്ഞദിവസമാണ്. ലൈസൻസിൽ 12 ബ്ലാക്ക് പോയന്‍റുകളും ഈ നിയമലംഘനത്തിന് ചുമത്തുന്നതാണ്. അതേസമയം, 50,000 ദിർഹം വരെ പിഴ ലഭിക്കുന്നതാണ് ഈ നിയമലംഘനമെന്നും അധികൃതർ മുന്നറിയിപ്പ് നൽകിയിരുന്നു. സമാനകുറ്റത്തിന് വിവിധ എമിറേറ്റുകളിൽ വ്യത്യസ്ത പിഴ ശിക്ഷകളാണ് ചുമത്തപ്പെടുന്നത്.
വിവിധ നിയമലംഘനങ്ങളും ശിക്ഷകളും
എമർജൻസി, ആംബുലൻസ്, പോലീസ്, ഔദ്യോഗിക അകമ്പടി വാഹനങ്ങൾ എന്നിവക്ക് വഴി നൽകാതിരുന്നാൽ- 1,000 ദിർഹം പിഴയും ലൈസൻസിൽ ആറ് ബ്ലാക്ക് പോയന്‍റുമാണ് നിയമം വ്യവസ്ഥ ചെയ്തിരുന്നതെങ്കിലും ആഭ്യന്തരമന്ത്രാലയം പിഴത്തുക 3,000 ദിർഹമായി ഉയർത്തിയിട്ടുമുണ്ട്. ഒരു മാസത്തേക്ക് വാഹനം പിടിച്ചെടുക്കുകയും ചെയ്യും.
ഇടതുവശത്തുള്ള ലെയിനിലെ വാഹനങ്ങൾക്ക് വഴി നൽകാതിരിക്കൽ- 400 ദിർഹമാണ് പിഴ.
വാഹനമോടിക്കുന്നതിനിടെ തുപ്പുക (സിഗരറ്റ് കുറ്റി എറിയുന്നത് ഉൾപ്പെടെ)- 1,000 ദിർഹം പിഴയും ആറ് ബ്ലാക്ക് പോയന്‍റും.
റെഡ് സിഗ്നൽ മറികടക്കുക- 1,000 ദിർഹം പിഴയും 12 ബ്ലാക്ക് പോയന്‍റും. ഇതിനു പുറമേ വാഹനം വിട്ടുകിട്ടുന്നതിന് 50,000 ദിർഹം അടയ്ക്കണം. മൂന്നുമാസത്തിനുള്ളിൽ ഈ പണം നൽകിയില്ലെങ്കിൽ വാഹനം ലേലം ചെയ്യും.
ഇൻഡിക്കേറ്റർ ഇടാതെ വാഹനത്തിന്‍റെ ഗതിമാറ്റം- 400 ദിർഹം പിഴ.
തോന്നുംപോലെ റോഡ് മുറിച്ചുകടക്കുക- 400 ദിർഹം പിഴ.
ജനങ്ങളുടെ ജീവനു ഭീഷണിയാവുന്ന രീതിയിൽ വാഹനമോടിക്കുക- 2,000 ദിർഹം പിഴയും 23 ബ്ലോക്ക് പോയന്‍റും 60 ദിവസത്തേക്ക് വാഹനം പിടിച്ചെടുക്കലും.
റോഡിൽ ഫോൺ ഉപയോഗിക്കുക- 800 ദിർഹം പിഴയും നാല് ബ്ലാക്ക് പോയന്‍റും.
പൊടുന്നനെയുള്ള തിരിക്കൽ- 1,000 ദിർഹം പിഴയും നാല് ബ്ലാക്ക് പോയന്‍റും.
റോഡിൽ പെട്ടെന്ന് നിർത്തുക- 1,000ദിർഹം പിഴയും ആറ് ബ്ലാക്ക് പോയന്‍റും.
അപകടകരമായി രീതിയിൽ പിന്നിലേക്ക് വാഹനമോടിക്കുക- 500 ദിർഹം പിഴയും നാല് ബ്ലാക്ക് പോയന്‍റും.
സുരക്ഷിതമാണെന്ന് ഉറപ്പുവരുത്താതെ പ്രധാന പാതയിലേക്ക് കടക്കുക- 400 ദിർഹം പിഴയും നാല് ബ്ലാക്ക് പോയന്‍റും.
നിർദിഷ്ട മേഖലയിൽ അല്ലാതെ യു-ടേൺ എടുക്കുക- 500 ദിർഹം പിഴയും നാല് ബ്ലാക്ക് പോയന്‍റും.
വളവുകളിൽ ഉള്ള ഓവർടേക്കിങ്- 1,000 ദിർഹം പിഴയും ആറ് ബ്ലാക്ക് പോയന്‍റും.
ലൈറ്റിടാതെ രാത്രിയിലോ മൂടൽമഞ്ഞിലൂടെയോ വാഹനമോടിക്കുക- 500 ദിർഹം പിഴയും നാല് ബ്ലാക്ക് പോയന്‍റും.
Latest
പിതാവ് മരിച്ചത് മകന്റെ അടിയേറ്റ്; മകന്‍ കസ്റ്റഡിയില്‍
നവവധുവിന് മര്‍ദനം: പ്രതി രാഹുല്‍ സിംഗപ്പൂരിലേക്ക് കടന്നതായി സംശയം
കേന്ദ്രത്തില്‍ സര്‍ക്കാര്‍ രൂപീകരിക്കാന്‍ ഇന്ത്യാ മുന്നണിയെ പുറത്തുനിന്ന് പിന്തുണയ്ക്കുമെന്ന പ്രഖ്യാപനവുമായി മമത ബാനര്‍ജി
വീട്ടില്‍ ഉറങ്ങിക്കിടന്ന 10 വയസുകാരിയെ തട്ടിക്കൊണ്ട് പോയി പീഡിപ്പിച്ച പ്രതി മലയാളം സംസാരിക്കുന്ന മെലിഞ്ഞ ശരീര പ്രകൃതിയുള്ള ആള്‍
പൗരത്വ ഭേദഗതി: സുപ്രിംകോടതി പരിഗണനയിലുള്ള വിഷയത്തില്‍ കേന്ദ്രസര്‍ക്കാര്‍ ഏകപക്ഷീയ നടപടി ഇന്ന് സുപ്രിം കോടതിയില്‍ എത്തും
സംസ്ഥാനത്ത് ഇന്ന് ഡ്രൈവിംഗ് ടെസ്റ്റ് പുനസ്ഥാപിക്കും
