Kerala
വര്‍ക്കലയില്‍ തെരുവ് നായ്ക്കള്‍ കടിച്ചു കീറിയ നിലയില്‍ മൃതദേഹം കണ്ടെത്തി
ചാവര്‍കോട് ഗാംഗാലയം വീട്ടില്‍ അജിത് ദാസിന്റേതാണ് മൃതദേഹമെന്ന് പാരിപ്പള്ളി പോലീസ് സ്ഥിരീകരിച്ചു.
തിരുവനന്തപുരം|വര്‍ക്കലയില്‍ തെരുവ് നായ്ക്കള്‍ കടിച്ചു കീറിയ നിലയില്‍ മൃതദേഹം കണ്ടെത്തി. വര്‍ക്കല ചാവര്‍കോട് ഒഴിഞ്ഞ പുരയിടത്തിലാണ് 20 ദിവസത്തോളം പഴക്കമുള്ള മൃതദേഹം കണ്ടെത്തിയത്. തിരിച്ചറിയാന്‍ കഴിയാത്ത രീതിയില്‍ മൃതദേഹം പഴകിയിരുന്നു. ചാവര്‍കോട് ഗാംഗാലയം വീട്ടില്‍ അജിത് ദാസിന്റേതാണ് മൃതദേഹമെന്ന് പാരിപ്പള്ളി പോലീസ് സ്ഥിരീകരിച്ചു.
കഴിഞ്ഞദിവസം രാത്രിയാണ് ഒഴിഞ്ഞ റബ്ബര്‍ തോട്ടത്തിന് സമീപത്തെ പറങ്കി മാവിന്‍ ചുവട്ടില്‍ തെരുവ് നായ്ക്കള്‍ കടിച്ചു കീറിയ നിലയില്‍ മൃതദേഹം കണ്ടെത്തിയത്. അരയ്ക്ക് താഴോട്ടുള്ള ഭാഗം പൂര്‍ണ്ണമായും തെരുവ് നായ്ക്കള്‍ ഭക്ഷണമാക്കിയിട്ടുണ്ട്. മൃതദേഹത്തില്‍ നിന്ന് ദുര്‍ഗന്ധം വമിച്ചതോടെ നാട്ടുകാര്‍ തിരച്ചില്‍ നടത്തി കണ്ടെത്തുകയായിരുന്നു. ഫോറന്‍സിക് സംഘം സ്ഥലത്തെത്തി നടപടി ക്രമങ്ങള്‍ പൂര്‍ത്തിയാക്കി. മൃതദേഹം പാരിപ്പള്ളി മെഡിക്കല്‍ കോളജ് ആശുപത്രിയിലേക്ക് മാറ്റി.
അജിത് ദാസിന് കുടുംബ പ്രശ്‌നങ്ങള്‍ ഉണ്ടായിരുന്നതായി നാട്ടുകാര്‍ പറയുന്നു. ഇയാള്‍ ഉപദ്രവിച്ചതായി കാണിച്ച് ഭാര്യ പാരിപ്പള്ളി പോലീസില്‍ പരാതി നല്‍കിയിരുന്നു.
Latest
പ്രായപൂര്‍ത്തിയാകാത്ത പെണ്‍കുട്ടിയെ പ്രണയം നടിച്ച് ബലാത്സംഗംചെയ്ത 25-കാരന് 58 വര്‍ഷം കഠിന തടവ്
ടിവി അവതാരകയെ മയക്കുമരുന്ന് കലര്‍ത്തിയ തീര്‍ത്ഥം നല്‍കി പീഡിപ്പിച്ചു; പൂജാരിക്കെതിരെ കേസ്
തിരുവനന്തപുരം തൈക്കാട് 52കാരിയുടെ മൃതദേഹം അഴുകിയ നിലയില്‍ കണ്ടെത്തി
കളമശ്ശേരിയില്‍ മഞ്ഞപ്പിത്ത കേസുകള്‍ കൂടുന്നു; ഒരാഴ്ചക്കിടെ രോഗം സ്ഥിരീകരിച്ചത് 28 പേര്‍ക്ക്
തൃശൂര്‍ അന്തിക്കാട് കടന്നലിന്റെ കുത്തേറ്റ് 17കാരന് മരിച്ചു
പന്തീരാങ്കാവ് ഗാര്‍ഹിക പീഡനക്കേസ്; പ്രതി രാഹുലിന്റെ സുഹൃത്ത് രാജേഷ് അറസ്റ്റില്‍
