Kerala
കെ സുരേന്ദ്രനെതിരെ കൂടുതല് വകുപ്പുകള് ചുമത്തിയേക്കും
കാസര്കോട് | മഞ്ചേശ്വരം തിരഞ്ഞെടുപ്പ് കോഴ കേസില് ബി ജെ പി സംസ്ഥാന അധ്യക്ഷന് കെ സുരേന്ദ്രനെതിരെ കൂടുതല് ക്രിമിനല് വകുപ്പുകള് ചുമത്തും. പത്രിക പിന്വലിക്കാന് കോഴ വാങ്ങിയെന്ന് വെളിപ്പെടുത്തിയ കെ സുന്ദരയുടെ മൊഴി കാസര്കോട് ജില്ല ക്രൈംബ്രാഞ്ച് സംഘം ഇന്നലെ രേഖപ്പെടുത്തിയിരുന്നു. പണം നല്കുന്നതിന് മുമ്പ് ബി ജെ പി നേതാക്കള് തട്ടിക്കൊണ്ടുപോയെന്നും ഭീഷണിപ്പെടുത്തിയെന്നുമുള്ള മുന് മൊഴിയില് ഉറച്ചുനില്ക്കുന്നുവെന്ന് സുന്ദര പറഞ്ഞിട്ടുണ്ട്. ഈ മൊഴിയുടെ അടിസ്ഥാനത്തില് തട്ടിക്കൊണ്ട് പോകല്, ഭീഷണിപ്പെടുത്തല് തുടങ്ങിയ ജാമ്യമില്ലാ വകുപ്പുകള് കൂടി എഫ്ഐ ആറില് ചേര്ക്കാനാണ് നീക്കം. ബിജെപി പ്രാദേശിക നേതാക്കളെ കൂടി കേസില് പ്രതി ചേര്ത്തേക്കും.
ഇപ്പോള് ഡല്ഹിയിലുള്ള കെ സുരേന്ദ്രന് ഇന്നലെ പാര്ട്ടി ദേശീയ അധ്യക്ഷന് ജെ പി നദ്ദയെ കണ്ടിരുന്നു. സുരേന്ദ്രനെ കടുത്ത ഭാഷയില് നദ്ദ ശാസിച്ചതായാണ് റിപ്പോര്ട്ട്.