Connect with us

Covid19

ലോകത്ത് കൊവിഡില്‍ പൊലിഞ്ഞത് 34 ലക്ഷത്തിലേറെ ജീവനുകള്‍

Published

|

Last Updated

ന്യൂയോര്‍ക്ക് |  കൊവിഡ് മഹാമാരിമൂലം ലോകത്ത് ഇതിനകം മരണപ്പെട്ടത് 34 ലക്ഷത്തിലേറെ പേര്‍. കൊവിഡ് റിപ്പോര്‍ട്ട് ചെയ്ത് വര്‍ഷള്‍ പിന്നിട്ടും കേസുകള്‍ ഇപ്പോഴും ഉയര്‍ന്ന് നില്‍ക്കുകയാണ്. ഇന്നലെ മാത്രം ആറ് ലക്ഷത്തിലേറെ കേസുകളാണ് റിപ്പോര്‍ട്ട് ചെയ്തത്. ഇതോടെ ആകെ കേസുകള്‍ 16 കോടി പിന്നിട്ടു.രോഗമുക്തി നേടിയവരുടെ എണ്ണം പതിനാല് കോടി മുപ്പത്തിയെട്ട് ലക്ഷമായി ഉയര്‍ന്നു.

ഇന്ത്യയില്‍ കഴിഞ്ഞ ദിവസം 2.63 ലക്ഷം പേര്‍ക്കാണ് കൊവിഡ് സ്ഥിരീകരിച്ചത്. തുടര്‍ച്ചയായ രണ്ടാം ദിനമാണ് പ്രതിദിന രോഗികളുടെ എണ്ണം മൂന്ന് ലക്ഷത്തില്‍ താഴെയാകുന്നത്. ആകെ ചികിത്സയിലുള്ളവരുടെ എണ്ണം 33.53 ലക്ഷമായി. കേസുകളുടെ 13.29 ശതമാനം മാത്രമാണ് ഇപ്പോള്‍ ചികിത്സയിലുള്ളത്. ചൊവ്വാഴ്ച നാല് ലക്ഷത്തിലധികം പേരാണ് രോഗമുക്തി നേടിയത്.

രോഗബാധിതരുടെ എണ്ണത്തില്‍ ഒന്നാം സ്ഥാനത്തുള്ള അമേരിക്കയില്‍ മൂന്ന് കോടി മുപ്പത്തിയേഴ് ലക്ഷം പേര്‍ക്കാണ് കൊവിഡ് സ്ഥിരീകരിച്ചത്. 25,000ത്തിലധികം പുതിയ കേസുകള്‍ റിപ്പോര്‍ട്ട് ചെയ്തു. രണസംഖ്യ ആറ് ലക്ഷം പിന്നിട്ടു. ബ്രസീലിലും സ്ഥിതി ഗുരുതരമായി തുടരുകയാണ്. രാജ്യത്ത് ഒരു കോടി അമ്പത്തിയേഴ് ലക്ഷം രോഗബാധിതരുണ്ട്. മരണസംഖ്യ 4.39 ലക്ഷമായി ഉയര്‍ന്നു.

 

 

Latest