സ്വര്‍ണക്കടത്ത് കേസില്‍ തെളിവ് എവിടെയെന്ന് ഇ ഡിയോട് കോടതി

കൊച്ചി | സ്വര്‍ണക്കടത്ത് കേസില്‍ പ്രതികള്‍ക്കെതിരെ തെളിവ് എവിടെയെന്ന് ഇ ഡിയോട് കോടതി. പ്രതികളുടെ കുറ്റസമ്മത മൊഴിയല്ലാതെ മറ്റെന്ത് തെളിവാണുള്ളതെന്ന് വിചാരണ കോടതി ചോദിച്ചു. 21 തവണ പ്രതികള്‍ സ്വര്‍ണം കടത്തി എന്ന് ആരോപിക്കുന്നുണ്ടെങ്കിലും ഇതിന് തെളിവ് ഹാജരാക്കിയിട്ടില്ല. കേസിലെ പ്രതികളായ സന്ദീപ്, സരിത എന്നിവരുടെ ജാമ്യ ഉത്തരവില്‍ ആണ് കോടതി പരാമര്‍ശം.
സന്ദീപിനും, സരിതിനും ഇന്നലെയാണ് കോടതി ജാമ്യം അനുവദിച്ചത്. ഉപാധികളോടെയാണ് ജാമ്യം.

കേസിലെ മറ്റ് പ്രതികളായ സ്വപ്ന സുരേഷ്, എം ശിവശങ്കര്‍ എന്നിവര്‍ക്ക് കോടതി നേരത്തെ ജാമ്യം അനുവദിച്ചിരുന്നു. പ്രതികള്‍ക്ക് ജാമ്യം ലഭിച്ചിട്ടുണ്ടെങ്കിലും കസ്റ്റംസ് കേസില്‍ കൊഫെപോസ ചുമത്തപ്പെട്ടതിനാല്‍ ഉടന്‍ ജയിലില്‍ നിന്ന് പുറത്തിറങ്ങാനാകില്ല.