Kerala
കോഴിക്കോട് ഹജ്ജ് കമ്മിറ്റി ഓഫീസ് 30 ന് മന്ത്രി കെ ടി ജലീല്‍ ഉദ്ഘാടനം ചെയ്യും
കൊണ്ടോട്ടി | സംസ്ഥാന ഹജ്ജ് കമ്മിറ്റിയുടെ കീഴില്‍ കോഴിക്കോട് പുതിയറയിലുള്ള കെട്ടിടത്തില്‍ ഹജ്ജ് കമ്മിറ്റി ഓഫീസ് പുനരാരംഭിക്കുവാന്‍ ഇന്ന് ചേര്‍ന്ന സംസ്ഥാനകമ്മിറ്റി യോഗം തീരുമാനിച്ചു. പുതിയ ഓഫീസ് സംസ്ഥാന ഹജ്ജ് കാര്യ മന്ത്രി ഡോ. കെ ടി ജലീല്‍ ഈ മാസം 30ന് 11 മണിക്ക് ഉദ്ഘാടനം ചെയ്യും. ഹജ്ജ് കമ്മിറ്റി ചെയര്‍മാന്‍ സി മുഹമ്മദ് ഫൈസി അധ്യക്ഷത വഹിക്കും. ഡോ എം കെ മുനീര്‍ എം എല്‍ എ മുഖ്യാതിഥിയാകും. ഹജ്ജ് കമ്മിറ്റി മുഖേന ഹജ്ജിന് പോകാന്‍ ഉദ്ദേശിക്കുന്നവര്‍ക്കും തിരഞ്ഞെടുക്കപ്പെട്ടവര്‍ക്കും കരിപ്പൂരിലെ കേന്ദ്ര ഓഫീസില്‍ നിന്നും ലഭിക്കുന്ന എല്ലാ സേവനങ്ങളും കോഴിക്കോട് പുതിയറയിലെ ഓഫീസിലും ലഭിക്കുമെന്ന് ചെയര്‍മാന്‍ അറിയിച്ചു. ഹജ്ജ് കമ്മിറ്റി മെമ്പര്‍മാര്‍, മാസ്റ്റര്‍ ട്രെയിനര്‍മാര്‍, ജില്ലാ ട്രെയിനര്‍മാര്‍, ഹജ്ജ് സേവന മേഖലയിലെ പ്രവര്‍ത്തകര്‍ സംബന്ധിക്കും.
യോഗത്തില്‍ ചെയര്‍മാന്‍ സി മുഹമ്മദ് ഫൈസി അധ്യക്ഷത വഹിച്ചു. പി കെ അഹ്മദ് കോഴിക്കോട്, അനസ് ഹാജി അരൂര്‍, എച്ച് മുസമ്മില്‍ ഹാജി ചെങ്ങനാശ്ശേരി, കടക്കല്‍ അബ്ദുല്‍ അസീസ് മൗലവി, വി ടി അബ്ദുല്ലക്കോയ തങ്ങള്‍ വളാഞ്ചേരി, അസി. സെക്രട്ടറി ഇ കെ മുഹമ്മദ്, അബ്ദുല്‍ മജീദ് മലപ്പുറം, ജില്ലാ കലക്ടറുടെ പ്രതിനിധി എ ഡി എം. മെഹറലി സംബന്ധിച്ചു.
Latest
ഡ്രെഡ്ജര്‍ അഴിമതി കേസ്: മുന്‍ ഡി ജി പി. ജേക്കബ് തോമസിനെതിരായ അന്വേഷണത്തിന് സമയം നീട്ടി നല്‍കി സുപ്രീം കോടതി
വോട്ടെടുപ്പ്: സംസ്ഥാനത്ത് വിവിധ ഇടങ്ങളില്‍ അഞ്ചുപേര്‍ കുഴഞ്ഞുവീണ് മരിച്ചു
പത്തനംതിട്ടയില്‍ വോട്ട് ചെയ്തപ്പോള്‍ ചിഹ്നം മാറിയെന്ന് പരാതി
'കൂട്ടുപ്രതിയെ തള്ളിപ്പറഞ്ഞ് ഒന്നാം പ്രതി രക്ഷപ്പെടാന്‍ ശ്രമിക്കുന്നു'; മുഖ്യമന്ത്രിക്കെതിരെ വി ഡി സതീശന്‍
വിവി പാറ്റ് കേസിലെ സുപ്രീംകോടതി വിധി സ്വാഗതം ചെയ്ത് പ്രധാനമന്ത്രി നരേന്ദ്രമോദി
വനിതാ ഹോസ്റ്റലില്‍ നിന്നും 1.3കിലോ കഞ്ചാവ് പിടികൂടി; രണ്ട് പേര്‍ അറസ്റ്റില്‍
