സംസ്ഥാനത്ത് ഇന്ന് 5,615 പേര്‍ക്ക് കൊവിഡ്; 4,922 പേര്‍ രോഗമുക്തരായി

Posted on: January 5, 2021 5:57 pm | Last updated: January 6, 2021 at 8:52 am

തിരുവനന്തപുരം | സംസ്ഥാനത്ത് ഇന്ന് 5615 പേര്‍ക്ക് കൊവിഡ്-19 സ്ഥിരീകരിച്ചു. എറണാകുളം- 719, കോട്ടയം- 715, പത്തനംതിട്ട- 665, തൃശൂര്‍- 616, കൊല്ലം- 435, കോഴിക്കോട്- 426, ആലപ്പുഴ- 391, തിരുവനന്തപുരം- 388, മലപ്പുറം- 385, പാലക്കാട്- 259, കണ്ണൂര്‍- 252, വയനാട്- 175, ഇടുക്കി- 131, കാസര്‍കോട്- 58 എന്നിങ്ങനെയാണ് ജില്ലകളില്‍ ഇന്ന് രോഗബാധ സ്ഥിരീകരിച്ചത്. യു കെയില്‍ നിന്നും വന്ന രണ്ടു പേര്‍ക്ക് കഴിഞ്ഞ 24 മണിക്കൂറിനകം കൊവിഡ്- 19 സ്ഥിരീകരിച്ചു. ഇതോടെ അടുത്തിടെ യു കെയില്‍ നിന്നും വന്ന 41 പേര്‍ക്കാണ് ഇതുവരെ കൊവിഡ് സ്ഥിരീകരിച്ചത്. ഇവരുടെ സാമ്പിളുകള്‍ തുടര്‍ പരിശോധനക്കായി എന്‍ ഐ വി പൂനെയിലേക്ക് അയച്ചിട്ടുണ്ട്. അതില്‍ ആറ് പേരിലാണ് ജനിതക വകഭേദം വന്ന വൈറസിനെ കഴിഞ്ഞ ദിവസം കണ്ടെത്തിയത്.

കഴിഞ്ഞ 24 മണിക്കൂറിനിടെ 61,269 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 9.16 ആണ്. റുട്ടീന്‍ സാമ്പിള്‍, സെന്റിനല്‍ സാമ്പിള്‍, സിബി നാറ്റ്, ട്രൂനാറ്റ്, പി ഒ സി ടി. പി സി ആര്‍, ആര്‍ ടി. എല്‍ എ എം പി, ആന്റിജന്‍ പരിശോധന എന്നിവ ഉള്‍പ്പെടെ ഇതുവരെ ആകെ 81,60,890 സാമ്പിളുകളാണ് പരിശോധനയ്ക്കായി അയച്ചത്.
കഴിഞ്ഞ ദിവസങ്ങളിലുണ്ടായ 24 മരണങ്ങളാണ് കൊവിഡ് മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 3,184 ആയി. ഇത് കൂടാതെ ഉണ്ടായ മരണങ്ങള്‍ എന്‍ ഐ വി ആലപ്പുഴയിലെ പരിശോധനയ്ക്ക് ശേഷം സ്ഥിരീകരിക്കും.

ഇന്ന് രോഗം സ്ഥിരീകരിച്ചവരില്‍ 59 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 5,037 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 475 പേരുടെ സമ്പര്‍ക്ക ഉറവിടം വ്യക്തമല്ല. എറണാകുളം- 655, കോട്ടയം- 670, പത്തനംതിട്ട- 602, തൃശൂര്‍- 603, കൊല്ലം- 432, കോഴിക്കോട്- 399, ആലപ്പുഴ- 382, തിരുവനന്തപുരം- 271, മലപ്പുറം- 360, പാലക്കാട്- 110, കണ്ണൂര്‍- 204, വയനാട്- 167, ഇടുക്കി- 126, കാസര്‍കോട്- 56 എന്നിങ്ങനെയാണ് സമ്പര്‍ക്കത്തിലൂടെ രോഗം ബാധിച്ചത്. 44 ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്. പത്തനംതിട്ട- 8, തൃശൂര്‍, കോഴിക്കോട്- 6 വീതം, എറണാകുളം- 5, തിരുവനന്തപുരം, കണ്ണൂര്‍- 4 വീതം, മലപ്പുറം- 3, കൊല്ലം, വയനാട്, കാസര്‍കോട്- 2 വീതം, കോട്ടയം, പാലക്കാട്- ഒന്നു വീതം ആരോഗ്യ പ്രവര്‍ത്തകര്‍ക്കാണ് ഇന്ന് രോഗം ബാധിച്ചത്.

രോഗം സ്ഥിരീകരിച്ച് ചികിത്സയിലായിരുന്ന 4,922 പേരുടെ പരിശോധനാഫലം നെഗറ്റീവ് ആയി. തിരുവനന്തപുരം- 284, കൊല്ലം- 283, പത്തനംതിട്ട- 327, ആലപ്പുഴ- 304, കോട്ടയം- 707, ഇടുക്കി- 140, എറണാകുളം- 401, തൃശൂര്‍- 520, പാലക്കാട്- 251, മലപ്പുറം- 495, കോഴിക്കോട്- 655, വയനാട്- 171, കണ്ണൂര്‍- 341, കാസര്‍കോട്- 43 എന്നിങ്ങനെയാണ് പരിശോധനാ ഫലം ഇന്ന് നെഗറ്റീവായത്. ഇതോടെ 63,802 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 7,17,311 പേര്‍ ഇതുവരെ കൊവിഡില്‍ നിന്നും മുക്തി നേടി.

സംസ്ഥാനത്തെ വിവിധ ജില്ലകളിലായി 1,90,990 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 1,79,868 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 11,122 പേര്‍ ആശുപത്രികളിലും നിരീക്ഷണത്തിലാണ്. 1,082 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചത്.