National
തമിഴ്നാട്ടില് ഓണ്ലൈന് ചൂതാട്ടം നിരോധിച്ചു
ചെന്നൈ | തമിഴ്നാട്ടില് ഓണ്ലൈന് ചൂതാട്ടം നിരോധിച്ചുകൊണ്ട് സര്ക്കാര് പ്രത്യേക ഓര്ഡിനന്സ് പുറപ്പെടുവിച്ചു. ഓര്ഡിനന്സില് ഗവര്ണര് ഒപ്പിട്ടു. നിയമം ലംഘിക്കുന്നവര്ക്ക് 5,000 രൂപ പിഴയും ആറ് മാസം മുതല് രണ്ട് വര്ഷം വരെ തടവും ലഭിക്കും. ഓണ്ലൈന് ചൂതാട്ട കേന്ദ്രങ്ങള് നടത്തുന്നവര്ക്ക് 10,000 രൂപ പിഴയും രണ്ട് വര്ഷം വരെ തടവുമാണ് ശിക്ഷ.
ഓണ്ലൈന് ചൂതാട്ടത്തില് പങ്കെടുത്ത് വന് തുക നഷ്ടപ്പെട്ടതിനെ തുടര്ന്ന് തമിഴ്നാട്ടില് നിരവധി പേര് ജീവനൊടുക്കിയിരുന്നു. ഇതേ തുടര്ന്ന് ഓണ്ലൈന് ചൂതാട്ടം നിരോധിക്കണമെന്ന് വ്യാപകമായി ആവശ്യമുയര്ന്നിരുന്നു. 1930ലെ ചൂതാട്ട നിയമത്തില് ഭേദഗതി വരുത്തിയാണ് സര്ക്കാര് ഓര്ഡിനന്സ് പുറത്തിറക്കിയത്.
---- facebook comment plugin here -----