Kerala
സിലിയുടെ സ്വര്ണ്ണാഭരണങ്ങള് ഷാജുവിന് നല്കിയെന്ന് ജോളി
കോഴിക്കോട്: കൂടത്തായിയില് കൊലചെയ്യപ്പെട്ട സിലിയുടെ ആഭരണങ്ങള് കാണാതായതുമായി ബന്ധപ്പെട്ട് മുഖ്യപ്രതി ജോളി ഷാജുവിനെതിരെ നിര്ണായക മൊഴി നല്കി. ആഭരണങ്ങള് ഷാജുവിനെ ഏല്പ്പിച്ചുവെന്നാണ് ജോളി പോലീസിന് മൊഴി നല്കിയിട്ടുള്ളത്.എന്നാല്, ഷാജു ഇക്കാര്യം നിഷേധിച്ചിരുന്നു.
ഡന്റല് ക്ലിനിക്കില്വച്ച് ബോധരഹിതയായ സിലിയെ ഓമശ്ശേരിയിലെ സ്വകാര്യ ആശുപത്രിയില് എത്തിച്ചിരുന്നു. ഇവിടെയത്തിയപ്പോഴേക്കും സിലി മരിച്ചു. സിലി ധരിച്ചിരുന്ന ആഭരങ്ങള് ഇതോടെ കൂടയുണ്ടായിരുന്ന ജോളിയെ ഏല്പ്പിച്ചു. ഈ ആഭരണങ്ങളാണ് പിന്നീട് കാണാതായത്. ആഭരണങ്ങള് കാണാതയാതുമായി ബന്ധപ്പെട്ട് സിലിയുടെ ബന്ധുക്കള് ആരോപണം ഉന്നയിച്ചിരുന്നു. ഇക്കാര്യത്തിലാണ് ജോളിയുടെ നിര്ണായക മൊഴി.
സിലിയുടെ 40 പവനോളം വരുന്ന സ്വര്ണം സിലി തന്നെ പള്ളി ഭണ്ഡാരത്തില് ഇട്ടെന്നാണ് ഷാജു കുടുംബാംഗങ്ങളോട് പറഞ്ഞത്. എന്നാല് സിലിയുടെ കുടുംബം ഇത് നിഷേധിച്ചിരുന്നു.
വിവാഹ സമയത്ത് വീട്ടുകാര് സ്ത്രീധനമായി നല്കിയ 40 പവനോളം സ്വര്ണവും ഇത് കൂടാതെ രണ്ട് മക്കള്ക്കായി നല്കിയ സ്വര്ണവും സിലിയുടെ കൈവശമുണ്ടായിരുന്നു.
ു. സിലിയുടെ മരണത്തിന് ഒരാഴ്ചയ്ക്ക് ശേഷം ഷാജു സിലിയുടെ അമ്മയെ വിളിച്ച് സിലിയുടെ സ്വര്ണം വീട്ടിലില്ലെന്നും അത് അന്വേഷിച്ച് ആരും വരേണ്ടതില്ലെന്നും ആഭരണങ്ങളെല്ലാം സിലി ഭണ്ഡാരത്തില് ഇട്ടുവെന്നുമാണ് പറഞ്ഞത്.
സിലിയുടെ അനുജത്തിയുടെ ഒരു പവന്റെ വള സിലിയുടെ കൈവശമുണ്ടായിരുന്നു. ഈ വള സിലി ഒരു കാരണവശാലും ഭണ്ഡാരത്തില് ഇടില്ലെന്ന് അമ്മ ഷാജുവിനോട് പറഞ്ഞു. ഇത് പ്രശ്നമായതിനെ തുടര്ന്ന് കുറച്ച് നാളുകള്ക്ക് ശേഷം ഷാജുവും ജോളിയും ഒരു പവന്റെ പുതിയ വള വാങ്ങി സിലിയുടെ സഹോദരനെ ഏല്പ്പിച്ചു.വിവാഹത്തില് പങ്കെടുത്തതിന് ശേഷം ഷാജുവിനോടും ജോളിയോടും ഒപ്പം ആശുപത്രിയില് എത്തിയപ്പോഴാണ് സിലി മരിക്കുന്നത്.